Kenha ki tem coragi pa nu djunta e mobiliza pessoas a fazi um manifestason
NHA POVO NU KORDA será ki nhos ka sta odja ma kel onda di violência ki sta na Praia, me ka atoa, nu pensa na tudo kes jovens ki sta termina 12 ano, tem otus nem 9 ano ka sta termina, otus ta bai até 7 ano ta para, ma és tudo ta fazi parti des sociedade, kré ou nu ka kré, ka tem bolsa, ka tem curso, e ka tem nenhum ocupason, na um sociedade estremamente consumista cu vida cada dia mas caro, e nada nu ka stá das, e és tem ki comé, es tem ki bisti e és tem ki ocupa ces tempo, kal ke alternativa ki nu stá das, num País tão pikinoti, será ke ka claro ma nos governantis ka bali nenhum, es studa Sociologia, Psicologia, Direito, ma so na papel, e és ta governa so cu estatistica ki nunca ka ta corresponde a realidade, so kenha ki sta dento de comunidade ki sabi cuze ki sta pasa, pamodi na universidadi ki nos governantis studa ka ta forma caráter e nem ka ta enchinas empatia, ke coloca na lugar de otu, Ulisses é um execelente aluno cu diploma e bons notas na universidadi, mas é um péssimo politico, e um péssimo Ser humano, programado pa compiti pa pisa na ce proximo pa ignora sofrimento di ce proximo pa foca so na Poder.
E soluson é tão simplis ki si nos tudo nu uni nu ta odja ma fonte de problema sta na familia, ki ka sta consigui pasa valores para jovens, maioria di familias na Praia e não so, é disfuncional ou so mai ou so Pai, educason é fraco, ntom um governante inteligente e ki ta importa cu ce povo ta cria centros ou instituições pa apoia e orienta jovens e familia, das formason gratuido, apoio psicologico, tudo Ser Humano precisa de atenson e orientason, kes ki tem nota 18 das bolsa kes ki tem 10 ou 9, podi tem talento pa otu cusa, curso mecanica, carpintaria, invisti na mas centros de formason na tudo zona orientas pa um oficío, keli ta resolveba metadi di kes violencia e guerra atoa entre grupos, e governo ta gastaba menos dinhero envez recruta mas policia.
Kenha ki tem coragi pa nu djunta e mobiliza pessoas a fazi um manifestason pa nu mostra nos desagrado contra kel politica salarial li, e kel onda di violência ki sta aumenta na capital. Nu tem ki poi presson se não tendência é so piora, nu tem ki luta pa kel ki nu ta akredita, Caboverdianos mereci muto mas e midjor condições de vida, e nu tem capacidade pa kela, bu ka atxa?
COMMENTS