Es Jovem dezabafa triste acontecimento ki leba morti di si irmon

Sera ki era si hora ki txiga?

Nu recebi es mensagem enviado por Asdotta Pro, ki ta relata triste acontecimento. Sufoco kes passa na centro di saude y perda di si irmon

"Alerta Triste Mesmo

Bom dia, pessoal

nka bem faze julgamentu, nem busca kulpadu mas n bem conta nhos um Historia ki passa ku mi k nha irmon na centro de saúde, pa djuda nhos na reflecti e alerta nhos ku nhos doenti na centro de saude Hospital.

N leba nha irmon na centro de saúde, ki staba doenti, nu entra na sala de emergencia Doutora fazel un diagnostiku rápido, dexanu y e sai, nu fika la ku 1 enfermera ta striba kual ti manxi. Dotora undi bu staba ? ki so gosi ki bu bem pa bu pergunta si dje torna da crise. 

E internadu kel mesmu dia, mas kelotu dia e komesa ta tem halucinason. Ami n ta pensa ma centro di saúde tem máximo 3 dia pa_evacua kel pessoa pa hospital. E tem 1 semana internadu ku halusinason, marradu na cama e algemadu. sera ki dotor sabe kuze ke tinha? Sera kes faze diagonistiku de forma coreto pes sabe kuze ke teni antis des dal medicamento ? A não ser que es tinha supeita de bebidas, drogas sendo ke staba na stado normal.

Depos di 1 semana é dadu alta y receita seguindo ordem de médico. nhos pensa ma nha irmon staba dreto ? kel mesmu dia na casa e kontinua ku halusinason e ka durmi noiti. ntorna lebal centro de saúde , doutor flan ma ka tem cama, ma espasu ka tem, sem diagnostiku sem nada e flan pa nu continua ku medicamento ke raseitanu pa nu bem casa.  

N pidi papel e E ka evakuanu pa hospital central, dipos e flanu si nu bai la na hospital central pa nu fla ma pacienti ka staba internadu na centro saúde Pa nu dexa ti kelotu dia pa nu bai kol assomada, me ka ta podi danu papel. Pmd ? Palavra de dotor era consolador, kantu ki manxi kelotu dia nha irmon staba ton mal pa soccorel nu lebal pa mesmo centrosaúde, mas era tarde de mas.  

Sera ki era si hora ki txiga? Ou Sera ke negligensia de centro de saúde?"