Dipos di un decepson ke passa na Merca, es caboverdiana pensa caba ku si vida, mas hoje el é exemplo di superason

tudu kel Kim passa Tornam kel menina mulher k mi eh hoje.

Portugal: Jovem fla me foi enganadu pa um Caboverdiano... é sa alerta pessoas di es golpe

Presidente de Cabo Verde - "Desejamos que Ruben Semedo seja tratado como qualquer outro cidadão num Estado de direito"

Binter deixa doente em terra na Boa Vista: Presidente da Câmara da ilha repudia "acto desumano"que provoca revolta da população

 Alves tem kuzas ki ta kontici na nos vida ki ta lebanu a pensamentos negativos, mas nu tem ki ser forte.

konxi storia di es kriola na Merca ki supera um momento dificil ki lebal pa depreson.

Es jovem caboverdiana ki ta vivena mercapartilha si storia kumundo, atravez didezabafu na pagina Dexam contau nha storia... um foma di faze pessoas ki podi sa ta passa pa mesmo dilema supera y da volta por sima, por isso si lison é "Nunca Ko desiste de Bu vida"

Ami e um jovem de 24 ano. Hoje em dia nta vivi na Merca, um país sabi de orportunidade sima tudu alguém tá fla me mas Ka tem nada a ver ku kel mar de rosas sima tudu alguem pensa.

Hoje Nsta trabadja, ntem nha carro, nta mora na nha apartamento nta paga nhas contas e Ka tá faltam nada graças a Deus mas isso nem srmpre foi assi.

Tudo começa na setembro de 2017 canto txiga li, tevi k bai pa casa nha familia.

Família k nunca conxeba, nunca conviveba qual antes mas na princípio staba mil maravilhas ti k txiga um ponto k família cansa Pamodi tempo viram mas pocu Ka tá daba pá labanta pá limpaba casa tudu dia sima Bu tem custuma tá fazi na Cabo Verde.

Começa trabadja, tempo vira mas pocu pa casa , Apartir de kel altura kuzas muda , Comberso na família começa parce, Fla fla começa parce 

E tipo ali nem Bu prop raça Ka tá kre odjou tá da bem na vida.. ba tá Bai fica tá txiga casa tá fla mantenha Ka tá respondendo, fica tá cuzinha Ka tá comendo. hoje é dia k cuzinha mandado pam Bai bota panela cumida na lixo si nka sta cumel tudo.

Minis ami apartir de kel dia nha vida vira cabeça baxu , Si tinha sodadi go k era sodadi, Si tinha gana braça nha mãe Go k gana sufocam.

Djam tinha gana durmiba na nha cama, Sta dento nha casa pam sai de casa de alguém. Casa de alguem ka morada me 😔

Ti k txiga um dia kel nha família li mandam recado lá trabadjo pam Djobi nha cau pam Bai. Minis ami vira Ka alguém Ka catxor, Pé fica Ka tá susti na txom mas. Ami txora só nha mãe pá bem buscam.

Ami desanima ti k pensa só na caba ku nha vida. Sai de casa nha “família “ nbai mora mi só, Nha vida fica só solidon. Tá txiga de trabdjo ninguém pam papia qual ninguém pá obin, Só mi ku 4 parede.

Ami txora sodadi tudu dia, corage dan poi lâmina na nha pulso pam corta, nha telefone toca mãe tá txoma, Anhaguente xintido de mãe Ka tá fadja. Voz de nha mãe Ka Dexam cai na kel abismo lá.

Mas Kela era só 1 de kes muitas vezes k pensa caba ku tudo, Depresson e real i eh kuza mas kassabi ki tem.

Hoje em dia ami e feliz ku pocu k tem, tudu kel Kim passa foi bom. Tornam kel menina mulher k mi eh hoje.

Nda volta por sima e hoje só ntem de agradece Deus na céu ku nha mãe k tá Sta sempre lá pá mi ❤️🙏🏼

Keli e nha storia de superação, Tá aproveita pam dexa um consedjo pa tudu kenha k sta deprimido e passa pá momento difícil, Poi fé na kel homi lá de riba. Nunca Ko desiste de Bu vida