Criança di 12 anu poi fim a si vida na Praia...

"U ki ta leva um meninu di 12 ano a corta si vida assim"

Um crainça di sexu masculinu, di 12 anu di idade, perdi vida hoje na cidade di Praia, es noticia sa circula na rede social, y sa dexa pessoas xokadu ku es akontecimentu, y maioria ta kestiona kuze ki sta por ditraz di es acontecimento. até es momento ainda nu ka tem num comunicado di policia sobre es acontecimento.

alguns reasons:
"Um d kes cenas más triste é q tem 😭😒 pa um menine comete um ato des é pk algo grave passa 😭😒 descansa em paz mnine inocente"

"Nu sta tudu espantadu, sem sabi kuze ki pol faze kela"  - reason di um vizinha

Suicidio ê un di kes principal kauza di morti violentu na Cabo Verde. Agora preciso pergunta kuze ki ta leba isso kontici.

Anus atra, Onda Kriolu tinha trazidu es assunto a luz, undi es ta fla kuze ki podi a leba a es fim. Nada ki isso tem haver ku kazu di hoje, mas apenas um reflexom, di assuntu ki nu debi fala: "Kuzas ki pa adultos aparentimenti ka ten mutu importancia sima gozu di colegas, konflitu na caza, instabilidadi familiar, frakasu escolar ou até fin di un namoro (rial ou imaginario) podi desenkadeia nun joven ou nun adolescente un depreson profundo acompanhadu di es sentimentu terrivel di kaba ku vida. Ten kazu també di jovens y adolescentes ki ta mata kabesa pamodi es sofri un trauma profundo derivadu di abuzu sexual ou di violencia familiar.

E sobre tudu es prublemas ki sociedadi cabo-verdiana ten ki djunta pa pensa... pamodi ê ka facil privini suicidios....
Pessoas ki ten intenson di termina ku vida geralmenti ta da alguns sinal mas nem sempri familia y sociedadi ka ta sta preparadu pa “entendi” es sinal... Na maior parti di cazus es ta refugia na solidon y silencio pa es ê un gritu di dor ki infelizmenti ka ta obidu."