USA: Kumunidadi kabuverdianu na Merka perdi ses madrinha

Na Brockton ê diriji un jardin infantil gratis pa undi pása txeu kriansas cabo-verdianos, oji omis ku mudjer.

Kumunidadi kabu-verdianu na Merka perdi ses madrinha
“SISTA” FIBI ENTERRADU SABADO PASADU ...
E mori na dia 21 di Dizenbro na si konventu na Boston , vitima di kanser, y e foi enterradu sabadu pasadu na sidadi di Pawtucket na ladu di si familia.

Irman Domingas Batista , ou sista Fibi si e ta txomada, tinha 83 anu d’idadi , maior parti didikadu a kumunidadi kabu-verdianu di Boston, Brockton y Providence undi ku si konsedju y apoio y djuda centenas di jovens a sai di mau kaminhu, prinsipalmenti na anos 80 kuandu droga y kriminalidadi staba ta afeta partikularmenti juventudi kabu-verdiana. Mas e ka so jovens di enton ki ta lamenta perda di es pilar di kumunidadi. Sista Fibi djuda kria txeu mininu ki mai ta bai dexaba k’ol pa podi bai trabadju. Na Brockton ê diriji un jardin infantil gratis pa undi pása txeu kriansas cabo-verdianos, oji omis ku mudjer.

Natural di ilha Brava, undi ê nasi na 1936, Domingas tinha tanbé un grandi amor pa si terra ki ê ta vizitaba senpri ki ê tinha posibilidadi. Ê imigra pa Merka komu irman franciscana na anos 80 mas si dedikason kumesa mutu antis di si trabadju ku Padre Pio na sidadi di Brockton. Ê ta lenbradu inda minina na Djabraba ta djuda pobri mesmu antis di ê diskubri si vokason pa vida relegioza.

“ Sista” Fibi era kel simentu ki ta uniba kumunidadi.
Si partida ê un perda grandi pa kabu-verdianus mas si voz ta kontinua ta obidu pamodi si voz era tanbe un bokadinhu sima Voz di Deus.