N sufre depressão...
Bom ami ku nha mãe de fidjo nu tem 7 ano djunto, nu ranja na menino y hoje nu tem um criança. Ela sempre é tem ambisson pá viaja, mas sempre é tive cabeça na lugar. Nunca faltano um pom na nos casa pmd sempre nu luta apesar de ser estudantes. Sempre é trabadja y nos famílias djudano ti mi n staba na último fase de nhas estudos y hoje djan vence djan consigui trabadja mesmo nes situação de problemas li. Problema na casa tudo casais tá tem, sempre nu txiga entendimento. Mas na último 7 mês dispos ke começa fase se formação é conche és tal homen ki tem si família na Portugal (mudjer ku fidjo) és começa tá fala só ki ela eh tá baba casa se mãe pé fala ku gajo na telefone (na casa banho). Alves li na casa moz tá mandal mensagem, até n humilha n txoma moz n flal pé para de txoma nha mudjer, n flal pé fla moz pá para de txomal é fica keto Ka tá fala nada, até moz fla me Ka tá txomal mas. Dispos n fala kol é flan ma crê mos tá trabadja na embaixada ma crê djudal, n flal de graça prope? Ê flan me ka sabe. N tom és fica tá fala só oras ke ba formação y és tá encontra pmd é fica tá inventa trabadjo grupo.
Só ki mi n discunfia n bai tra estrato como mi ki daba ela cartão y sta na nha nome, n odja mês continua tá fala manda companheiro mensagens. N torna txomal atenção n txoma mos ela é Ka fala, n tom nu começa tá briga. Nha mãe bem de viagem atxano tá briga fala ku nos, até flan prope ma home Ka tá mexe na móvel de mudjer (como diz o ditado, quem procura acha). N tom nu resolve releva y fica na paz. Nha mãe volta, ami n começa tá chintil diferente, n torna descubre ma tinda me sta fala ku moz, n cansa n flal hoje nu tá resolve, ela é bai durmi na casa se mãe só pá nu Ka resolve é bem cedo é flan ma mos é se colega de formação mas ma dje viaja, n tom dexal bai toma banho m panha se cartão mos txoma Ka fala ma 20 segundos. N fal pé bai fica lá casa se mãe pmd dja sta bom. Mas é continua tá bem da me sta ruma casa, tá tormentam sima eh sabi ma m gosta del.
Um dia n sta passaba na nha carro n odjal djunto ku um moz de quase 40 ano, nem n Ka pensaba ma era kela ke motivo de nos guerra, n tom kanto é odjam é param, só ki n Ka para pmd djan staba discunfiado dela na kel zona ( n atxal ku recibo de autocarro de kel local ke Ka caminho de lugar de formação) só ke fica discunfiado é bem kelora li na casa. N torna pega se móvel n atxal ku foto ke tra na um quarto nua, nha mundo kai pmd n Ka sta reconheceba menina ki Nu esteve 7 ano. N tom é txoma se amiga ki confirma ma ela ki tral foto. N chinte me mintira. De tanto é odjam tá sufre, até prope é costuma flan me sta gosta de oto alguém me Ka justo ku mi, mas 2 horas depos é flan me mi
ke gosta del, N tom é continua tá bem li na casa tá limpa mas txeu quando mos viaja pá Portugal pá férias. Li ki n bem descubre mos eh kenha n fica atormentado ku idade de moz ki bai defende nha trabadjo de fin de curso ku certos problemas, mas bai dreto graças a Deus hoje n sta mas animado.
Mos tem se família na Portugal ela é sabe por isso ke tá bem li pmd é sabe ma kusa pode Ka da certo. Ami tmb como n gostaba dela n tenta aconcelhal de tudo manera ate ê mostra me sta arrependida, mas continua ta fala ku mos.
N tenta começa fala ku oto menina pan odja si n tá esquecel, mas menina bai flal é bem pidim satisfasson, n tom dam raiva n grava nos conversa unde n tá perguntal se gosta de mi, kz ke tem ku mos ke fica ta fala so kusas negativos de mós n tom panha se movel n manda mos audio (n conchel tanto ki ta ser facil descubre senha se movel).
Eh flan ma el ku mos mes ka sta mas, dias depois menino fica ku febre n ton é pide bem durmi li so ke secunde movel, kanto menino durme é bem deta pa nha lado, nada nu ka fase mas mi tmb como fraco n ka corri kol. Dispos n chinte alarme tá toca n odja se movel baixo comida, é labanta é poi senha n odja, dja n Ka consigui durmi mas. N panha se móvel n odja mensagem ke manda mos ta fla mos pa disculpal ma mi n ka sta conformado pmd é escodje mós ki mi, so ki mos staba djunto ku se mudjer na Portugal ka ta daba pe falaba txeu. N odja mensagens ke manda amigo de mos ( Erílio) ta fla kela pa fala ku mos dja n cansa, n começa ta tem odio pa ela ku moz, n disiste dela, mas é fica ta bem li pmd menino. Kanto mos bem trasel xis kusas é fica ta bem kol li m odja, capa movel, chocolatte. Como mos bem é começa conta mentira ma eh sta bai formação mas cedo ka ta da pe bem odja se fidjo antis de bai mas. Dja n proibil de bem li, pé odja se fidjo só de tarde de noite pé mandam el. Mas só ki nha fidjo dja muda ku kes kusas li, tene insônia, sta mixa cama txeu, tá txoma p se mãe ki mi n sta triste prope. N tene raiva, ate n pensa na destruí família de mos mas n Ka consigui pmd n pensa ma mi é diferente des.
N sufre depressão mas hoje djan sta mas animado. N tá manda um apelo pá mães, pmd mos tá cansa de usal, kela é certo. Ago tá vale pena larga família pmd um oportunidade de viaja Ki bu ka sabe si ta da certo? Vale pena deta ku homen ki tá ser bu tio? (menina tem 23 ano e mos quase 40) Pmd interesse. Nunca faltano nada principalmente nos fidjo pmd sempre Deus dano força pá nu tene nos gelara cheio de comida de nos fidjo. Nu tá mora na um quarto ku casa banho mas nu tem cama, sufa, teve, antena parabólica, bisqueleta , estante roupeiro portátil ti carro ki n ganha. Sempre tá parceba biscaite, n tom nhos flan si nu tinha um vida ki Ka tem futuro si nos nu Ka tem nem 30 ano inda, imagina na futuro kz ki Nu tá tinha.
Bom, obrigado pá dexam sabe Cabo Verde, n sta mas aliviado sima n tra pa forra kel ki n sta chinte. N sabe munte alguém tá crítica."
COMMENTS