Caboverdiana dezabafa "Nha maridu bai Portugal, bai ka bem"

Dezabafu di um caboverdiana sobre si maridu ki bai Portugal

Um seguidora manda es mensagem pa Dexam Sabi...

Boa tarde Dexam Sabi, nta bem partilha ku nhos nha storia.
Mi é di ilha di Santiago. Dja faze tempu kin kria manda es mensagem. nkre simplismente dizabafa storia ki kontice ku mi y ki ti hoje ta incomodam.

Na 2011 nha companheru viaja pa Portugal, na altura nfaze di tudu pa djudal konsigue visto, ki ka foi facil, mi kol nu tem 3 fidju djuntu. y sempre é kria viaja, sima é ta flaba ma dipos ke poi pé na Portugal ma nos vida ta muda, realmente muda mé. 2 anu dipos ke txiga é manda dinheru pa da spidente pa um di nos fidju viaja, na kel 2 primeru anu sempre é mante bom relason, y ta intxiba mi di iluson ma nos familia ta torna djunta. so ki ku tempu é dexa di txoma sima é ta txomaba, mas é kontinua ta manda dinheru pa ajuda na casa, na escola di nos fidjus.

4 anu dipos ki é bai Portugal nda konta ma dje ranja otu alguem y ma é sa vive na mesmu kaza y ma es tem fidju. Ami na kel altura nha mundu rabida kabesa pa baxu, sima ta fladu cornu é sempre ultimu a sabi. Nperguntal kantu tempu dje tem ku es pessoa, nfazel txeu perguntas ki pa hoje é ka dam resposta. é dexa di danu atenson, dinheru ke ta mandaba fika ka ta bem tudu mes, sonhu di nu volta vive djuntu kumesa ta paga. Hoje Deus paga kel nha fidju ke manda buska, ki ta manda dinheru pa cubre nos dispesa. Ami até hoje nka sabi modi nta supera es dor. Ali hoje nos fidjus tudu krescidu, nka sabi modi nta flas di ses pai.

Dexam Sabi partilha em anonimo favor."