"Nbem pa Europa, Ndexa tudu pa trás pa busca um vida midjor..."

So um oportunidade k nu ta meste.

Um seguidora di pagina partilha um poku di si storia di imigrasom ku nos, le y konta di bo...

"As ves nu ka precisa di tantu Um bom dia bali oru! Puku tempu a trás bem pa europa, Ndexa tudu pa trás pa busca um vida midjor. Nfoi studanti universitário, Txeus tá fla ma ka bali pena dexa bu país pa bu bai pa strangeru. Goci k dja bu ka studa, cuza k nta flau, ranja trabadju organiza bu vida li me cada alguem tem si opinion né.

Agora, Pa ranja trabadju um de kes primeru riquizitu é experiência, ago um estudante ta passa vida interu ta studa mode k kel studante tene experiência si el nunca é ka trabadja? É preciso trabadju pe pode tene experiência, experiência bu ta tem depois de trabadju.

So um oportunidade k nu ta meste. As ves vontade é ka de nbarka sima muntes ta pensa, si hoje jovens sa ta pusta na emigrason é kela ke soluson é ka único soluçon k tem.

É ka sabi dexa familia, amigos, É ka sabe dexa terra. Emigrason é triste, Bu ta passa mal, sodade ta due dmas.

Ser humanu ora k tem sonhu, oras k kre ser alguém na vida, Oras k kre fazi diferensa ta arista pa tudu ladu sikre trufudjadju, ta kai ta rabida, Ta labanta. Ku tudu barreira k bu ta contra kol na caminhu, Amigus k ta trau di caminhu, Mas bu ka ta disisti di realiza bu sonhu.

Seja onde for se pa ser ta ser. sperança ka pode morri.

Ntxiga Europa nas primerus dias nha vontade era odja Preto, NTinha vontade de odja preto, Nha povo, Povo K tá representam, K nta identifica kol. Nta xinti sabi ora k n odja pretu na rua, na tilivison, Ora k n odja preto na parlamentu, ora k n odja preto cumanda. Cada ves mas pretu sa ta conkista sa ta lidera, sa ta goberna.

Pa nu vensi e consigui kel k nu kre nu tem k luta, Ka tem vitoria sem sacrifício. As ves lagua ta sai, As ves bu ta kai, Mas nu ka podi fika na txom. Si tem kuza k prendi: quantu mas bu sufri mas forti bu ta fika."