Governo dja anúnsia taxa unika pa tra “pequenas encomedas” di Alfandega

Governo dja anúnsia taxa unika pa tra “pequenas encomedas” di Alfandega

Ê 4 KONTU PA UN BIDON Y 5.500$00 PA UN VOLUME
Mas atenson :
Volume ten ki ser di ropa ou di otus kuza uzadu y si valor nunka ka podi ultrapasa 100 kontu nen si pézu ka podi ultrapasa 150 kilu enkuantu otus “pequenos encomendas “ sima bidon ku kumida dentu ou ku otus artigos pa uzu pesoal ka podi aprezenta ninhun suspeita ma ê pa benda .

Pa enkumendas ki inda ka uzadu moda mobilia y eletroduméstiku Alfandega ta ben pása ta iziji fatura di kompra y ta konbradu un taxa nunka inferior a 30 % di si valor ( Si fatura ta mostra pur izenplu ma konpradu un material pa 100 kontu, mininu ki Alfandega podi kobra ê 30 kontu )

RIASON
Es novu taxa aduaneira pa “pequenas encomendas “ ki governo prumeteba na mes di Julho pa reduzi atrazu ku burokrasia na Alfandega dja sai na Boletim Ofisial y pa kumentários na redi sosial ê agrada uns y ê dizagrada otus .

Pa kes ki ê agrada 4 kontu pa un bidon y 5 kontu y kinhentu pa un volume ê un taxa justu ki kualker algén ku rendimentu médio podi paga, enkuantu ki pa otus guvernu izajera na da ku presu . Alguns imigrantis na stranjeru dja sta pensa na dexa di manda bidon pa rabati familia na Cabo Verde pamodi es ta fla ma hora ki somadu es 4 kontu pa Alfandega , + presu di bidon, + presu di mantimentu pa poi na bidon, + presu di transporti y + presu di “papelada” na Cabo Verde , ta rendi mutu midjor manda dinheru pa familia. fonte:ok