Tudu ki bu debi sabi...
Nau, pelu menus a kurtu/médio prazu, mas konsigi kel “karimbu” na pasaporti podi ben torna mutu + difisil .
Na pasadu dia 22 di abril prezidenti merkanu sina un memorandu undi ê ta pidi agensias di Departamento di Estado y di Seguransa Interna pa toma medidas pa reduzi taxa di vizitantis ki ta ultrapasa ses tenpu di estadia na Merka... Un di kes rekumedason di prezidenti merkanu ê restrinji ou mesmu suspendi visto di non imigranti pa un grupu di uns 20 paizis ki duranti anu fiskal di 2018 odja + di 10% di ses vizitantis ta ultrapasa tempu di estadia na Merka... Na grupu sta CABO VERDE , mas també sta Angola, Nigéria, Libéria, Serra Leoa, etc ( Di akordu ku informason di TCV 12% di kabu-verdianos ki vizita Merka na 2018 ultrapasa tenpu di estadia).
Bu podi fla ma kel mil y tal kabu-verdianus ( ka sabedu sertu sertu) ki pur anu ta fika na Merka na "ilegalidadi" ê relativamenti insignifikanti en relason a kes 100 mil kanadianus, 50 mil mexikanus ou 40 mil brazilerus ki ta ultrapasa ses tenpu di estadia na Merka mas ki nu entantu ka sta na lista... É verdadi, mas lista foi elaboradu ku bazi na PERCENTAGEM , y percentagen ta “penaliza” paizis pikinoti.
PRA JA INDA NADA KA MUDA ..
Pra já prezidenti merkanu so da sis kolaboradis 120 dias pa studa pruposta y aprezenta suluson. Memorandu prezidensial ka ta inpoi di forma imediatu ninhun restrison pa vistu di turismo, visto de negosio ou visto di studanti , mas cabo-verdianos podi desdi ja antesipa + difilkuldadi na obtenson di vistu...Limiti másimu di vistu ( tetu) podi ben reduzidu di mesmu forma ki podi ben reduzidu si prazu di validadi y/ou tenpu di estadia, enkuantu kritérios pa obtenson di vistu podi ben torna mutu + “pertadu” ku izjensia di + provas y dukumentason .
Memorandu di Prezidenti di Merka inda ta dexa en abertu posibilidadi di negosiason ku governo di es paizis ki sta na lista, y ê nes kanpu ki diplomasia di Cabo Verde debi trabadja pa reduzi danu... Ministro di Negócios Estrangeiros dja pidi tudu kabu-verdianos ki ta vizita Merka ku vistu di turismu pa ka ultrapasa tenpu estipuladu pa ka prejudika otu kabu-verdianos mas també si pur algun motivu bu teni intenson di fika na Merka pa alen di kel prazu ki sta na visto bu podi senpri pidi ku antisedensia un prurrogason na servisu di imigrason
https://www.uscis.gov/i-539 fonte:ok
COMMENTS