Dezaparesimentu di pesoas na ilha di Santiago... Números kontinua ta aumenta

Dizaparesimentu di pesoas kontinua ta ser un mistério na ilha di Santiago

Dezaparesimentu di pesoas na ilha di Santiago
LISTA  KONTINUA TA AUMENTA  ..
Ultimu ki entra na lista ê Odair , ki sta desaparesidu na Praia ( Kastelon) desdi kinta-fera pasadu.  També ki sta djobedu ê imigranti José Luis ki  ka sta  odjadu desdi dia 05 di Maio kuandu ê bai  festa di Sior du Mundu na Piku... Pa alen di es 2 kazu resenti y di otus  menus resenti sima di kes kriansas  ki txoma atenson di mídia ten  infelismenti  otu kazus  di  dizaparesimentu  ki  posivelmenti ka kontadu pa estatistika....  Ê kazu, pur izenplu, di Lee Haney Garcia Barbosa Vicente, primeru fidju di Eunice Garcia.

Lee Haney  dizaparesi  na tardi di 21 di Novembro di 2017  kuandu  ê sai di kaza pa ê bai aula na skola sekundária de Abrolhos, na Praia, y di la pa dianti  nunka + ê ka odjadu ( ê ka txiga skola mas tambe ê ka volta pa kaza) . Ê tinha 26 anu  d’idadi y sima si mai  ta fla ma ê ta sufreba di algun prublema di depreson , mas ma na altura di si dizaparesimentu si mai sta  staba dretu di saudi... Família djobel y alerta polisia mas  1 anu y meio dipos si mai kontinua  senpri ku kel speransa di un dia odjal ta txiga kaza ...

Eunice Maria dos Reis Garcia  sta  pidi  ajuda di tud’algen ki podi ten algun informaosn sobre paraderu  di es si fidju matxu ( ê sta  dizanimada ku kurason pertadu mas speransa nunka ka ta morri).

Dizaparesimentu di pesoas kontinua ta ser un mistério na ilha di Santiago  y autoridades  judisial ka sta diskarta posibilidadi di krimi organizadu  mas pra já tantu Policia Judiciaria komo Procuradoria Geral de Justisa  fla ma  es ka  ten ninhun informason presizu ( so indísios). Fonte :ok