"Bó é Dodu ou Bó e de Fogo" - Jovem natural di Fogo dexa si opinion sobre es frase

Ka nu dexa um frase separanu ou fazenu xinte superior ou inferior kelotu.

Cisarino Martins, um seguidor di Dexam Sabi, jovem natural di Fog, é ta vive na Merca, é manda es mensagem...

"Bom dia, boa tarde ou boa noite
Santu Antão a Brava
Ta dipende na hora que bu sta le

Me é um jovem de Fogo, na momento nta vive na Merca.

Motivo que fazem screbi es texto li i manda publica na Dexam Sabi CV, é nada mas nada menos do que es frase li "BÓ É DODU OU BÓ E DE FOGO" kkk frase pisado, frase polémico.

Um kusa criolus principalmente nos de fogo du tem que para com isso, pam ser cinceru kel frase li djam xatiam txeu, nhos cre sabi pamode? bu sabe hora que bu amigo fazebu trossa de um kusa que kel kusa ta xatiabu e ta continua ta fazebu pe xatiabu pe pode fica ta ri de bó, mas ka quer dizer ma bó é kel kusa, quel frase li ka ker dizer ma nos de fogo é dodu, bo k sta le será que nunca bu irmão, bu irmã ka txomabu de um nome k ta fazebu corre pa bu panha um pedra ou pa bu corri pa bu bai txoma bu mai ou bu pai? ou sprumenta txoma um alguem de um nome ofencisu pa bu odja se el elogiabu, claro que nao el ta procura um pel tenta ofendebu,

Mas um kusa nu tem que poi na nos cabeça ma nos é um só CABOVERDIANOS, nta acredita ma nos e ka contra cumpanhero, pamode em relação a nos de fogo dja nu sta spadjadu pa tudo ilha de Cabo Verde, fazendo familias ku pessoas de otus ilhas, e tem pessoas de tudo ilha ta vive na fogo, imagina só se nos é dodu kem de otu ilha que ta aceita namora ou casa ku nos, ou até bai vive na nós ilha? tem alguem de fogo casado ku alguem de praia ka um ka dos, casado ku alguem de Sao Vicente etc etc,  nta acredita ma alguem de tudo ilha de cabo Verde tem um namorado ou um namorada que e ka de ce ilha, na nha caso nha namorada e de praia nos e super feliz, e na cidade que nta mora li na merca ntem amigos de quase tudo ilhas, e nta odja um ambiente de txeu amizade, ta djuda um a otro na eventos ta da cumpanhero boleia pa trabadju, ta djuda cumpanheru atxa trabadju, otus socios de empresas, enfim

Ka nu dexa um frase separanu ou fazenu xinte superior ou inferior kelotu. Nu devia staba ta djunta ta luta pa algu midjor, um Cabo Verde midjor algo que ta fazeba nos mas contente nao um frase idiota que um alguem ta usa pa cria raiva na kel otu.

E Sobre musica de cantor Big Z nka atxa nada de mal, um bom entendedor ta intende tudo, e djel cantaba ki el fra KEM KE MAS DODU K ME, sera que tem alguem que perguntal se el é de Fogo?
Djodje lança som ku mas 3 artistas titulado de SÓ SES BOCA, tem um parte kel ta canta sim PUTU NANCI DENTU TXADINHA, txadinha é na praia né, e nhos ta lembra kel som dicel ku HELIDA ALMEIDA k ta fra RAPAZ DE PRAIA E SÓ MALANDRO, Será k DJODJE é Malandro?

Portanto nu tem k para com isso, e nu djobi um otu frase nu discute tipo:
DESAPARECIMENTO DE HUMANOS
Obrigado e bom semana a todos"