Kantu ki ta kustau pa bu “dispaxa” un karru na Cabo Verde?

Sidadon na Sal paga kuazi 2 mil kontu di impostu pa tra di alfandega un karru avaliadu en 782 kontu

Ta dipendi di valor di karru (stadu y konservason) di anu di fabriku y di silindrada.
Si viatura ê nobu en folha bu ta pága mutu + poku , mas si viatura ten un sertu idadi ten kazu ki impostos podi ultrapasa di lonji valor di karru.
Odja pur izenplu kazu di Osvaldo Mota ki sta da ki papia na rede sosial.
Osvaldo ta vivi na Sal y komu el ê ka ê imigranti ê ka ta goza di ninhun izenson na dispaxa karru.

Osvaldo trazi di Merka pa Cabo Verde es Jeep Wrangler Unltd Sahara ki bu sta odja na foto . Jeep ten + di 8 anu y na alfandega ê atribuidu un valor di 8.000 dolar merkanu ( 782 kontu na kambio atual).

Di akordu ku lei di tributason pa tra di alfandega un viatura “todo terreno” a gazulina di 1500 a 3.500 cm kubiku di silindrada y ku + di 8 anu d’idadi sima es Jeep Wrangler bu ten ki paga :
40% di Direitos Aduaneiros
0,5% di Taxa Comunitária
80% di Imposto Consumo Especial (ICE)
15% di IVA

Pa dispaxa es karru na alfandega através di un dispaxanti ofisial sima lei ta iziji Osvaldo pága kuazi 2 mil kontu (1.958.397$00 izatamenti) ki ê + di ki dobru di kel valor ki atribuidu karru ( odja bilheti di dispaxu na kumentário)

Pa txeu internautas ki kumenta, es tributason ê ezorbitanti y ê ta prejudika imigrantis ki kré poi karru na Cabo Verde, enbora nes kazu Osvaldo ê ka un imigranti nen e ka ta benefesia di ninhun izenson espesial .
Sima dispaxanti ta fla si Osvaldo era un imigranti ki staba ta regresa difinitivamenti pa CV so ê ta pagaba uns 155 kontu pa ê dispaxa es mesmu Jeep Wrangler .

KUZE KI BU DEBI SABI ANTIS DI TRAZI UN KARRU PA CV
1.Bu debi sabi ma si bu trazi un karru eletriku pa Cabo Verde bu ka ta paga direitu di importason ( desdi janeru di 2019)

2. Si bo ê imigranti konprovadu y si bu sta volta difinitivamenti pa CV so bu ta paga ICE ku IVA si bu karru pa uzu pesual ten + di 10 anu di idadi.

3. Karru uzadu ku + di seis y 10 anu d’idadi y ku + 2.5000 ou 3 mil silindrada ( gazol ou gazulina) ta paga respetivamenti 80% y 150% di Impostos de Consumo Especiais ( ICE). Karru ku menus di 4 anu ka ta kobradu ICE, mas tudu ten ki paga pelu menus 40% di direitos aduaneiros, 0,5% di Taxa Comunitária TC y 15% di IVA. fonte:ok