BigZ Patronato - "RIP nha pai, nta lamenta bu ka obi es música li antes bu parti"

sera ku sabi kal ke dor di kria sem pai

Artista caboverdiano BigZ Patronato usa si pagina na rede social pa dezabafa...

"Descansa em paz nha Pai😥

 "Carta pa nha Pai"

"homi grande tudo drt mo nhu sta pa la
nteni pergunta pam fazeu ma nkre po respondem
min kre sabi flam pmd ku larga nha mai
sera ku sabi kal ke dor di kria sem pai
mi nta lembra mi na skola na dia di pai
nhas colega ku ses pai i mi so ku nha mai
forti dor forti txoru angustia na nha peto
es ta fala di ses pai i mi nta fika ketu
nu passa fomi ku sufoku tudo dentu kaza
e si tem um splicasson flam kz ki passa
mi nka kre fika ku reiba nem rancor di bo
mas txeu bex nta xinti reiba pmd bu dexam mi so
talvex su staba li ku nos era diferente
podi nem ka ser midjor mas era diferente
so pam podi xinti orgulho e fla keli é nha pai
ku cabeça labantado na pundi kin bai
tenta pergunta pa strela ma sem splicasson
pmd bo ntem vasiu na nha corasson
nha mai sempre fazi di tudo pam ka xinti falta
mas sikatriz di um pai nunka ka ta sara

tem pergunta ki ta maguam oh kes ta fazem
nta das resposta ku sorizu mas es ka intendem
es ta pergunta pa nha pai modi ki é sta
mi nta fla ma é sta drt nka tem nada fla

nsabi ma nem tudo ki nu kre nu ka ta consigui
mi so nkria staba bu perto pam faseu um pedido
um pergunta um resposta si for merecido
será ki na bus odju nfoi um bom mininu

kel bu falta ki min xinti será ki bu xinti
tudo noti ki min txora será ki bu txora
kel vaziu dento nha peto sem nada pa prinxi
moda um baldi ki sta fradu agu ka ta intxi

será ku tem orgulho di tudo ki fazi
será ku tem orgulho di alguem ki é
será ku tem orgulho di mi como fidju
ou será ki pa bus odjus mi é so um mininu"

RIP toto nha pai, nta lamenta bu ka obi es música li antes bu parti"