USA: Supostu assasinu di jovem caboverdiana dja sta prezu

Supostu asasinu dja sta prezu

Korpu di un joven kabu-verdiana di 23 atxadu sen vida na merka dentu di porta-bagagen di un karru...
Dentu di 2 maleta.
2 maleta ki na video/vigilansia ta odjadu Louis Coleman ta sai ku es na mó di si apartamentu na sidadi di Providence, na estado di Rhode Island...Un dia dipos ê paradu na auto-estrada I-95 na estado merkanu di Delaware ,a + di 380 milhas di distánsia.

Louis Coleman staba ta ser prukuradu pur raptu di Jassy Correia desdi kuarta-fera . Na porta-bagagen di karru ki ê sta konduziba polisia atxa un korpu sen vida ki dipos polisia ben identifika komu korpu di jassy Correia, di 23 anu d’idadi ...

JASSY SAI PA KUMEMORA SI ANIVERSARIO
Foi aliaz pa selebra ku si amigos es si anversário na dia 26 di Febreru ki Jassy bai un night club na Bostonn sábadu di noti undi ê odjadu pa ultimu bes... Dipos so ten imagens di video-vigilánsa : Pur volta di meia-noti di es mesmu sábadu djuntu ku un individuo pertu di es mesmu diskoteka y dipos a alguns bloku di distánsia ta entra es 2 nun Nissan Maxima ...
Individuo polisia ben identifika komu Louis Coleman y inda di akordu ku informason ten imagens ki ta mostral ta entra ka na prédio undi ê ta mora na Providence ku un mudjer karregadu na brasu.

JASSY DEXA UN FIDJU-FÉMIA DI 2 ANU...

Djassy dexa un fidju femia di 2 anu mas també si familia ku si amigus divastadu pa sufrimentu.
Si irmon Joel Correia fla ma ê fika sen ningen pa txoma “sister” enkuanti si pai Joaquim Correia fla ma ê ka sabi modi ki ê ta subrivivi a tantu dor ku sufrimentu ....Familia ki ta mora na Dorcherter papia ku Jassy sabadu di noti dipos e ka volta pa bai toma si fidju-femia di 2 anu mas y nen ê ka rispondi mensagen nen dia dimingu nen segunda-fera nes tersa-fera. Foi enton ki familia kumesa ta priokupa.

Jassy ta rekordadu komu un bon fidju, mas també komu un bon mai y un joven batalhadora. Si morti sta emusiona Internet y mesmu pesoas ki ka konxel sta rendel omenajen en memória di un vida ki termina mutu sedu.

Kuantu a supostu asasinu Louis Coleman kenha ki konxel ta konsideral un rapaz trankuilu ki ka tinha prublema ku justisa. Ê ta trabadja komu enginheru na estado di Massachusetts mas ninhun familia di Jassy ka konxeba el. fonte:ok