Polisia di Santa Catarina distrui alguns plantason di padjinha na Boa Entrada

Es pirsigison kontra “produtor” ta reduzi ou nau toxico-dependénsia?

Nau, ê ka ta... Sima dja foi provadu na txeu paizis So ê ta komplika vida di toxico-dependentes ki di un forma ou d’otu ta abastesi na merkadu ilegal kuza ki so ta aumenta trafikánsia.

Canabis ou padjinha ou marijuana ou makonha ou liamba ou ganza ou pófa ou erba ou modi ki ku kre txomal ê kel droga + konsumidu na mundo, y ilegal ou nau ku aumentu di turistas ê ta kontinua ta bendedu kada ves + na Cabo Verde... Stadu sempri ten stadu ta gasta tempu ku dinheru ku medidas represivas ki nada ka ta kontribui pa rizolvi prublema mas ki pelu kontrario ta kontribui pa reforsa merkadu ilegal ku prejuizu klaru pa konsumidor.

Pa alen di stadu gasta tempu ku meios ki podia ser utilizadu pa otu tarefas, es politisa di pirsigison kontra es kultivadoris klandestinus inda ta inkapasita stadu di kuleta un importanti reseita fiskal ( impostu) ki podia ser utilizadu tantu na edukason komu na saude saude ou na prugramas sosial pa privini konsumu di droga sima aliaz sta kontisi na txeu paizes ki finalmenti dja odja ma proibison di kultiva y di konsumi padjinha ka ta rezultadu.

Na Cabo Verde konsumu di padjinha inda ê krimi mas ningen ka ta prendedu pamodi kel la... Ki podi prendedu ê “produtoris “ y fornesidoris ( Si bu “fuma” bu ka ta prendedu mas si bu planta un pé di padjinha na bu kintal pa bu uzu pesoal bu ta torna un kriminozu y bu podi prendedu). Por izemplu nes “aprenson “ na Boa Entrada kultivadoris ka prendedu pamodi es ka staba la ( padjinha staba plantudu dentu d’horta kamufladu na meiu d’otu plantas).

Di forma ki kiston pa Cabo Verde ê ka so diskriminaliza ou nau konsumu di padjinha ki ka ta rizolvi prublema prinsipal... Prublema prinsipal ê si produson , un produson ki aliaz dja ka nen sta kondenadu na Lei y na Konvensons Internasional ( Ê di es forma Bélgica, Suiça, Spanha. Uruguai, Marrocos e txeu stadus di Merka ten dezenvolvidu experiensias ben susedidu di kultivu ou auto-kultivo di kanábis komu un forma di kombati si trafiku)... Bu podi fla ma Cabo Verde nes aspetu sta atrazadu y y ten voz na sosiedadi ki ta pidi un politika mutu + toteranti y responsavel na kombati tóxico-dependensia ku medidas ki rialmenti ta kontribui pa ilimina trafikantis y kaba ku es persigison anakroniku kontra produtoris y konsumidoris... Un di es “poltika” seria diskriminaliza konsumu, pósi y kultivu kontroladu di padjinha tudu dentu di un kuadru legal estipuladu pa autoridadi. fonte:ok

Bu ta konkorda ou nau ?