"É fla me gosta di mi, mas inda é ka apresentam si familia y é fla pa nka poi nos foto na facebook"

Si bu tem experencia nes assunto, ajuda es criola ki ta vive na Portugal.

Um seguidora di pagina manda es mensagem ta pide opinion...

"Ola Dexam Sabi. Obrigada pa es pagina ki sempre ta dexanu sabi di novidade nos tera.

 Es memsagem ki nsa manda nta prefire ser anonimo pamodi txeu pessoas pode julga mal.

Dja faze um mes ki un ranja namorado, nu konxe na Colombo di Portugal, na primero dia nu troca kontatu y fala. Ami dipos di kel dia nka tral di cabeça. N'sabia ma nu ta fikaba djunto. Felicidade pa mi isso kaba pa kontice. So ki passando alguns tempo djunto até inda é ka lebam pa si casa, nu ta kontra na shop dipos nu ta bai pa hotel ou casa di si amigo. È ta fla ma si casa é longi y ma ta gasta txeu tempo pa bai dipos pe trazem di volta, ma otu di nu ta marca. So ki dia sa ta passa ainda nada disso ka kontice. É fla me gosta di mi mas inda é ka apresentam si familia y é fla pa nka poi nos foto na facebook. Um dia propi quase ke quebra nha telemovel pamodi isso.

Isso mesmo, è fla me ka gosta di expoi si vida na rede social, u ki nkaba pa intende. Mas mi sempre ndeseja ranja ku alguem ki ta assumim pa completo. Nsa ta discunfia me tem segredo ké ka kre kontam. Mas nka kre pol na parede pa nka perdel, pamodi apesar di discunfiança nsa ta xinte amor pa el y ntem medo di discubre algo ki pode straga nos relason. Nka sabi kuze ki nta fazi.

Goce nkre sabi opiniao di nhos ki sa lé isso. Sé na bu kazu, kuzé ki bu ta faze."