Konxi stória di hiandra gomes...
Entri fazi fazi abortu ou entrega fidju pa adopson
Hiandra ê un joven kabu-verdiana soltera ki ta vivi na Merka y ki logu ki si fidju nasi ê da a un mai ku pai adotivu pa bai kria, un atitudi ki na familia ( y na sosiedadi na geral) al-ves ta kondenadu + di ki fazi abortu. Le si storia sima e ta konta :
“Bom dia Onda Kriolu , kel li ê storia di nha fidju :
Na 2016 un ingravida gosi nha fidjo sta ben fazi 2 ano mas komu un entregal pa adopson ê ka ta sta djunto ku mi .
Ku 7 mes di gravidez dja N’ ka staba ta vivi na kaza di nha familia.
Nta durmiba na karru mas so ki dipos N’ben perdi karru y enton N passa ta durmi na kaza di un nha amigo. N’ka tinha modi bai dotor, N’ka tinha modi bai trabadju y dizesperada sima n’staba un disidi kontakta un sentru di adopson pa N’da nha fidju pamodi djan perdeba speransa na vida. Sentru di adopson era na Califórnia y na poku tempu nu kumpri tudu formalidadi y nu sina tudu papelada ku advogadu pa kumesa prusesu di adopson.
Kuandu un kumesa ta xinti sinal di partu na kaza di nha amigo un txoma nha mai un bai si kaza undi ê pon xinta na agu kenti y dipos ê pidi nha irmon pa leban ospital y nha irmon pon la bai si kaminhu... Na kel hora N’ka odja ningen di nha familia ...Kes uniku algen ki ben foi pais di adopson kin manda mensagen logu kuandu K’kumesa ta xinti dor pur volta di 4 hora di madrugada.... Pais adoptivos txiga ospital di Rhode Island pur volta di 9 hora di parmanhan y es era kes unicas pesoas ki staba la ta dan kel forsa. ...Nha familia so txiga kel otu dia di tardi y komu na kel mumentu es atxa pais adotivos la es perguntan si dja N’da miminu pa adopson... Un bana kasesa ta fla ma sin y enton es da rinkada es bai ku nha mai ta negan komu fidju y nha irman ta negan komu si irman... Un txora txeu pamodi N’staba ta spera algun konsedju di nha familia mas foi ao kontrario, foi pais adotivos ki dan tudu apoio y tudu atenson y na kel mumentu logu un flaz mas un staba prontu pa sina papel difinitivu kel otu dia.
Nha fidju gosi teni kuazi 2 anu y N’ta sta sempri en kontaktu k’ol... Embora inda ê ka ten 2 anu ê ta sta si kontenti na si pre-school (infantario) y dja ê viaja pa kantu lugar.
Razon ki sta konta nha storia ê pamodi un sabi ma ê ka so mi ki dja pasa pa es mumentu.
Nha konsedju ê ki en ves di nhos fazi abortu nhos da nhos fidju un oportunidadi di ser un bon omi ou un bon mudjer di amanhan... Ten txeu kazal ki ka podi ten fidju mas ki ta fikaba kontenti na kria un miminu. Kazal ki adopta nha fidju sempri ta mandan mensagen ta agradisen pa kuza ki N’fazi... Ê ka bendi mininu pamodi pur lei bu ka podi bendi meninu. Mi djan kansa di obi ma N’bendi mininu, mas ten papel sinadu na advogadu ki ta prova ma ka foi benda .
Si algun algen sta nes situason y mesti algun informason ou tra algun duvida nhos podi kontaktan li na facebook un ta fla nhos di tudu prusesu pamodi es ta mandau un livro ku tudu informason di pais ki bu ta skodji kal ki bu kré.
Nta dispidi ta fla nhos ma mi ti inda N’ta sufri di depreson ta txora tudu dia ku sodadi di nha fidju ku gana di brasal dal kel karinhu mas sempri N’ta lembra ma ê sta kria nun bon familia.
Obrigadu tudu algen. fonte:ok
Hiandra ê un joven kabu-verdiana soltera ki ta vivi na Merka y ki logu ki si fidju nasi ê da a un mai ku pai adotivu pa bai kria, un atitudi ki na familia ( y na sosiedadi na geral) al-ves ta kondenadu + di ki fazi abortu. Le si storia sima e ta konta :
“Bom dia Onda Kriolu , kel li ê storia di nha fidju :
Na 2016 un ingravida gosi nha fidjo sta ben fazi 2 ano mas komu un entregal pa adopson ê ka ta sta djunto ku mi .
Ku 7 mes di gravidez dja N’ ka staba ta vivi na kaza di nha familia.
Nta durmiba na karru mas so ki dipos N’ben perdi karru y enton N passa ta durmi na kaza di un nha amigo. N’ka tinha modi bai dotor, N’ka tinha modi bai trabadju y dizesperada sima n’staba un disidi kontakta un sentru di adopson pa N’da nha fidju pamodi djan perdeba speransa na vida. Sentru di adopson era na Califórnia y na poku tempu nu kumpri tudu formalidadi y nu sina tudu papelada ku advogadu pa kumesa prusesu di adopson.
Kuandu un kumesa ta xinti sinal di partu na kaza di nha amigo un txoma nha mai un bai si kaza undi ê pon xinta na agu kenti y dipos ê pidi nha irmon pa leban ospital y nha irmon pon la bai si kaminhu... Na kel hora N’ka odja ningen di nha familia ...Kes uniku algen ki ben foi pais di adopson kin manda mensagen logu kuandu K’kumesa ta xinti dor pur volta di 4 hora di madrugada.... Pais adoptivos txiga ospital di Rhode Island pur volta di 9 hora di parmanhan y es era kes unicas pesoas ki staba la ta dan kel forsa. ...Nha familia so txiga kel otu dia di tardi y komu na kel mumentu es atxa pais adotivos la es perguntan si dja N’da miminu pa adopson... Un bana kasesa ta fla ma sin y enton es da rinkada es bai ku nha mai ta negan komu fidju y nha irman ta negan komu si irman... Un txora txeu pamodi N’staba ta spera algun konsedju di nha familia mas foi ao kontrario, foi pais adotivos ki dan tudu apoio y tudu atenson y na kel mumentu logu un flaz mas un staba prontu pa sina papel difinitivu kel otu dia.
Nha fidju gosi teni kuazi 2 anu y N’ta sta sempri en kontaktu k’ol... Embora inda ê ka ten 2 anu ê ta sta si kontenti na si pre-school (infantario) y dja ê viaja pa kantu lugar.
Razon ki sta konta nha storia ê pamodi un sabi ma ê ka so mi ki dja pasa pa es mumentu.
Nha konsedju ê ki en ves di nhos fazi abortu nhos da nhos fidju un oportunidadi di ser un bon omi ou un bon mudjer di amanhan... Ten txeu kazal ki ka podi ten fidju mas ki ta fikaba kontenti na kria un miminu. Kazal ki adopta nha fidju sempri ta mandan mensagen ta agradisen pa kuza ki N’fazi... Ê ka bendi mininu pamodi pur lei bu ka podi bendi meninu. Mi djan kansa di obi ma N’bendi mininu, mas ten papel sinadu na advogadu ki ta prova ma ka foi benda .
Si algun algen sta nes situason y mesti algun informason ou tra algun duvida nhos podi kontaktan li na facebook un ta fla nhos di tudu prusesu pamodi es ta mandau un livro ku tudu informason di pais ki bu ta skodji kal ki bu kré.
Nta dispidi ta fla nhos ma mi ti inda N’ta sufri di depreson ta txora tudu dia ku sodadi di nha fidju ku gana di brasal dal kel karinhu mas sempri N’ta lembra ma ê sta kria nun bon familia.
Obrigadu tudu algen. fonte:ok
COMMENTS