Techa, fica ku mi bu dexam dabu kel k ntem e kel k bu sunha tem.
Techa dimeu
Sol ta camba, ta sukundi si cabelo branco disfarçado em raio
Lua na aitura ta txora sodade de bo cima kusa ku fazel mal fetu...
Li na fundo mar, ondiá ta sukundi na rabu saia de kel encantada ta soluça de tanto txora bu ausência. ..
Flor na meio de campo ta baxa cabeça ta nega si pólen ... imagina mi?
Imagina mi k ta fitxa odjo na cabeça ta chinte txeru de bu cabelo,
Imagina mi k ta maxi ta pergunta dios k viagem tamanho é keli k bu bai k pa diá como hoxi inda bu ka txiga...
Se ka é sofrimento, oto nome nka tem pa el.
Nha tribiçeru perguntam undi kel miná ke ta obi si graça de madrugada, k ta corda ku um alegria k ta spanta tudo tristeza k ta ingostam na nha parapetu.
Nsabi ma mi é homi de sorte mas nha sorte nka kre pam tem mas baca nem mas cabra na mangedóra. Nha sorte é tenebu carapatidu na nha petu, djobebu dento odjo ti k bu dam kel bu sorriso sem graça...
Nha sorte é odjabu tudo diá sem dispide de bo, sem medo mo pode bai bu ka bem, sem brugonha de kreu mo pode ka krem.
Nha sorte, miná...
É pou na nha ragaz, contou munti partis sikre bu ka ri. Pegabu na mo anda ku bo de ponta branca ti baía verde...
Ta dam cabácu es distinu ingrato k em vez de txomau po cudim de madrugada, lebau bo ku nhas sonhos e dexam li ku mo trancadu dento perna ta sperabu bem.
Ta dam cabácu tudo santo k fladu ta faze milagre, k na mi ku bo é skodji dexanu nes massacre.
Ah mina... forte ntem sodade!
Forte tem sodade des menino inocente sukundidu tras des pele de mudjer!
Forte ntem sodade de odjabu ta rasmunga, de odjabu ta puxa boca de li ti boronçera!
K casta feitiço é es li k bu fazem k na nha jardim so bo ke rosa?
K corda é es li k bu fazem k na nha céu so bo ke strela?
K casta de encanto é keli k na nha bida so bo k ta brilha?
Techa, forte nkrebu.
Techa, fica ku mi bu dexam dabu kel k ntem e kel k bu sunha tem.
Ranja ku mi, nmostrabu ma céu pode dixiu riba cabeça, ma sorte ka é cantiga pa baca dorme e ma bida tem sentido mais do k kel k bu ta pensa.
Ranja ku mi nta mostrabu ma sol pa mas vagabundo k el é , é ta nina na costa de ocidente pe mimadu,
Ma luá pa mais armadu é independente é ka tem si luz propria. É prendi adimite ma sem sol é ka é tom bonitu si limiadura...
Fica ku mi nta mostrabu ma mi é nhacu d'homi mas sem bo, nka bali um tistom!
Ah techa, fica ku mi!
Dicla Gonçalves
Sol ta camba, ta sukundi si cabelo branco disfarçado em raio
Lua na aitura ta txora sodade de bo cima kusa ku fazel mal fetu...
Li na fundo mar, ondiá ta sukundi na rabu saia de kel encantada ta soluça de tanto txora bu ausência. ..
Flor na meio de campo ta baxa cabeça ta nega si pólen ... imagina mi?
Imagina mi k ta fitxa odjo na cabeça ta chinte txeru de bu cabelo,
Imagina mi k ta maxi ta pergunta dios k viagem tamanho é keli k bu bai k pa diá como hoxi inda bu ka txiga...
Se ka é sofrimento, oto nome nka tem pa el.
Nha tribiçeru perguntam undi kel miná ke ta obi si graça de madrugada, k ta corda ku um alegria k ta spanta tudo tristeza k ta ingostam na nha parapetu.
Nsabi ma mi é homi de sorte mas nha sorte nka kre pam tem mas baca nem mas cabra na mangedóra. Nha sorte é tenebu carapatidu na nha petu, djobebu dento odjo ti k bu dam kel bu sorriso sem graça...
Nha sorte é odjabu tudo diá sem dispide de bo, sem medo mo pode bai bu ka bem, sem brugonha de kreu mo pode ka krem.
Nha sorte, miná...
É pou na nha ragaz, contou munti partis sikre bu ka ri. Pegabu na mo anda ku bo de ponta branca ti baía verde...
Ta dam cabácu es distinu ingrato k em vez de txomau po cudim de madrugada, lebau bo ku nhas sonhos e dexam li ku mo trancadu dento perna ta sperabu bem.
Ta dam cabácu tudo santo k fladu ta faze milagre, k na mi ku bo é skodji dexanu nes massacre.
Ah mina... forte ntem sodade!
Forte tem sodade des menino inocente sukundidu tras des pele de mudjer!
Forte ntem sodade de odjabu ta rasmunga, de odjabu ta puxa boca de li ti boronçera!
K casta feitiço é es li k bu fazem k na nha jardim so bo ke rosa?
K corda é es li k bu fazem k na nha céu so bo ke strela?
K casta de encanto é keli k na nha bida so bo k ta brilha?
Techa, forte nkrebu.
Techa, fica ku mi bu dexam dabu kel k ntem e kel k bu sunha tem.
Ranja ku mi, nmostrabu ma céu pode dixiu riba cabeça, ma sorte ka é cantiga pa baca dorme e ma bida tem sentido mais do k kel k bu ta pensa.
Ranja ku mi nta mostrabu ma sol pa mas vagabundo k el é , é ta nina na costa de ocidente pe mimadu,
Ma luá pa mais armadu é independente é ka tem si luz propria. É prendi adimite ma sem sol é ka é tom bonitu si limiadura...
Fica ku mi nta mostrabu ma mi é nhacu d'homi mas sem bo, nka bali um tistom!
Ah techa, fica ku mi!
Dicla Gonçalves
COMMENTS