Depois qin perdi nhas fidjo, ami cá tem nun motivos de ri... so quenha que perdi si fidjo ta entende nha dor
"Boa tarde Dexam Sabi Cabo Verde, téni un pouco de nha história pan conta nhos, un crê pá nhos pública nha história, otos mudjeres que sta passa pá isso flan mo qes ta supera qel dor li. texto grande mas nhos djundam...
Bom é o seguinte mi é um menina simples, cá tem grandeza na mi, cá ta inveja ninguem, cá tem mal pan fasi ninguém, nha coração cá ta djundam próprio...
Tem 28 ano, djan passa mal na mundo tcheu, téni nha namorado dia 8 ano djunto un panha gravidez dos bes, un perdi sempre.
Primeiro Bes foi algo qin ta fla nhos ma foi um erro que cá era pá serba, mi era nova tinha 20 ano apenas un sabi cuze que perdi fidjo, foi difícil pá mi, entra em depreson un recupera, cu tcheu dificuldade un labanta, nha relação caba nu fica separado por um dois anos mas sempre nu ta tenta sabe de companheiro mas nunca nu foi amante nu ta fala mas como amigos, mas sentimentos sempre tive la e mi como sabia me tinha cu menina cá ta mutu daba el fala de nos mesmo que no fundo nha amor pá el cá tem fim, então sempre respeita menina e ta evita alves falaba col, menina de sao tome es cá da daba certo mas qel menina sempre ta buscaba mi, ta ficaba ta investiga nha vida na tudo redes social pá odja sin sta namora ou não, ta flaba mi ma MOS cá ta amam, ta cobam, nta dexaba pá la.
Te qe um dia é flan un cuza QI magoan, é fala de nha fidjo qin perdi, un flal ma mi cá ta respondem pra traz d num telemóvel não, ma se crê pá nu encontra ma nu ta fala pamode mi cá bai buscal, quanto flal si é branda uns tempos um blokia MOS pá evita.
Es bem separa cu tempo menina sai ta fla ma moss cá ta fica cu nun midjer se cá el me ta mata moss, me ta descansa so horas qe odjal na caxon.. MOS bem nha traz, cu tempo nu aproxima outra vez nu fica cima que nunca nu separaba antes, nu esquece menina, un engravida de gemeas que era nos sonho, nu compra nos casa, comeca mobília pa nu bai mora djunto, nha gravidez tranquilo te que familia moss da conta e bai flal.
Familia MOS gostaba de menina la, então nha vida quanto es sabi man sta gravida ota ves de MOS vira inferno, era menina ta mandam mensagem me ta poi casa lume cu nos la dento, man cá ta tem nhas filhas, un dexa passa, começa ta xinte mal, tinha sempre algum cuza, era febre, dor d cabeça, sangramento ta bai ta bem, cá ta cria staba cu nha namorado pamode ta daba mi raiva, pa natal próprio mesmo cu tudo isso sempre reza cu fe na deus, dexa bá ta bai.
Mi cu 8 mês completo pan tem nhas filhas es morre dento mi, djan morreba dja, sin cá baba hospital ta morreba. Foi um perda qe te inda cá recupera cá sabi sem tem força pá isso. Mae de MOS ta fla man tra menino pamode man cá cria staba cu si fidjo sabendo ma mi ta amal cu tudo nha força, un aguenta tcheu quanto tudo isso contice, ultimo mensagem que menina manda foi "ta consegui tudo qel qin crê" inda bu tem tcheu po pagam, tudo pamode um home.
Ta pergunta nhos pamode que nos mudjer nu ta suja nos cabeça pamode homes, nu ta mata qeloto mudjer, mata fidjos de home cu ta fla mo ta ama, pamode nhos cá sta djunto mas e familia de homes alguns ta djunta ta injúria, ta fasi mal na mudjer qe sex familia sta col, so pamode es cá crê pe sta col.
Alves ta doen dento mi, para pan pensa ma mi cá fasi nada de mal, so tenta fasi nha vida cu alguem qin ta ama, cá ta acreditaba na maldade de alguem mas depois qin perdi nhas fidjo ami cá tem nun motivos de ri, vontade sai de casa zero, larga nha vida un bem isola, larga nha amor, larga tudo.
Goci sta li ta passam so asneira na cabeça, tem dia qin ta labanta ta djobi cuza pan mata cabeça pamode nhas fidjos cá mereceba passa pá qel dor li, mas so quenha que perdi si fidjo ta entende nha dor, mi cá mudjer de prendi home pamode fidjo, mi cria sem nha pai mas da mudjer, un cria so nhas fidjos, home dexal cox la bem nha caminho, nos dos nu ta sofre longe companheiro e sem nos fidjo, mi sabi me ta amam cima ta amal mas cá téni forca pan luta pá el mas. So crê bai atcha nhas fidjos, vida sem es Cá nada pá mi, ta doen demás, ta matam cada dia mas sabi ma cá podia fazeba nada."
COMMENTS