"Nha pai ca morre, el foi mas um vitíma des ladrões k no t txoma de INPS e Embaixada de Pt na CV"

Dezabafu di Dulcelina Andrade

Nha pai Francisco Duarte ca morre el foi mas um vitíma des ladrões k no t txoma de INPS e Embaixada de Portugal na Cabo Verde

Eh triste oia manera k es ta trosa cada um d se cara con assunt eh saúde nes cabo verde onde k tem instituçoes t funciona só pa ses familias amiguinhos compadres e comadres.

Nha pai dja tinha 12 one t usa um pacemaker (marcapasso na coração) tud one el tinha que bai pa portugal faze se controlo e recarregal e tud one era um luta ma INPS moda se era algum favor que es taba ta faze nha pai, ma tud mês es ta descontal se dnher, ca era nenhum favor k es taba t fazel, tont consulta es fazel perdê, tont vez el ba pa conta própria ta luta pa se saúde.

 E des vez nha pai tinha consulta dia 20 Desembro de 2017 e mas um vez INPS trosa de se cara es fazel perde se consulta, um consulta k foi marcod pa se médico na Portugal k el ca podia perde, oh tont nha pai bai la na INPS na Sao Nicolau t bdi pas ca fazel perde se consulta e mi t bai pa INPS na Sao Vicente t faze o mesmo, es cansa dmi k as ca taba nem txom passa na portaria pa ba fala ma responsavel de evacuaçao pa portugal.

INPS na ses incompetencia es remarcal consulta pa Maio de 2018 (um consulta que deveria ser na Desembro de 2017 pamod kel aparelho mestia ser recarregod) nha pai em contato ma se medico na pt el consegui pol pa 14 de Fevereiro de 2018, mas um vez INPS trosa k se cara e es dmora de manda bdil visto ( pedido es k foi kuase um smana ants de se consulta).

Mas um vez soma kel ot instituição - embaixada de pt na CV que recusa nha pai visto pamod taba ta falta 5 mês pa se passaporte caduca. Es mandal ba faze ot passaporte e nos na currida pa fazel ot passaporte infelismente se bateria de pacemaker falha e el caba pa falece dia 26 de Fevereiro de 2018. Agora es pode angli kel passaporte k ate entao ca sta pront.

Na um caso de urgência INPS e embaixada faze nha pai perde dois consulta.

Dois perda que foi fatal pa nha pai. Des forma pode fala nha pai ca morre el foi vitima de INPS e embaixada.

Bzot deve t toca palma t festeja morte di nha pai, principalmente INPS na Sao Nicolau e Sao Vicente, onde k tud one no tinha es injúria de fca t corre traz dbzot pa saude dnha pai.

Mas um cosa eh cert es justiça pode dmora mas ainda tem k oia alguem t paga pa es perda dnha pai, nha pai txa txeu fidje se cre no vive rest dnos vida pa faze es justiça, nada dja ca ta trazel d volta mas ja ca ta contse tão sed na ot.

Bandos de incompetentes, burros, ladrões. Ma bzot t paga.

Desabafo publicado por Dulcelina Andrade