"Musica ė sima droga, oras ki bu vicia bu ca ta cre para" - Angy Tavares

Angy Tavares sa prepara si primero album.

Angy Tavares fala di si trajetoria na musica:

"Ami ė um artista Tarrafalense ki ta vive na França. Ntem 6 ano ta vive na Portugal e dja faze 6 ano kim sta vive na França.

Desde pikinote musica djam tinha dento casa pamodi nha irmão Manu de Tarrafal sempre ta cantaba,
Ami nunca nca pensaba mam ta cantaba. Ngosta de musicas e nta sempre nta obe musicas tudo hora.

Desde 2008 kim bai feria na Cabo Verde ki um nha amigo ki ta canta dam um CD de ses grupo de Praia ki tinha ses musicas e instrumental nel. Dipos canto kim volta pa Portugal npanha kes instrumental nkumeça ta canta, era so hiphop e R&B.

Foi la ki tudo kumesa. Ngrava 2 Mixtape so de hip hop. Dipos nha irmao kumeça ta mandam play back de si musicas kim cumeça ta canta zouk de nha irmao e faze alguns shows na Portugal ku musicas de nha irmao.

Na 2012 nbem pa França e ncumeça ta odja ma população de li gosta de funana. Entao npensa nflal ma si caliar era fx sim começa ta cantaba kuzas mas aserio. Foi la ki tudo kumeça. Maican Monteiro fazem nha primeiro funana e ncanta nel mi ku nha irmao. Publicos valida e foi apartir de la kim fica ta canta sempre.

Djam tene musica avontande. Maioria ė kizomba. Musica ė sima droga, oras ki bu vicia bu ca ta cre para.

Graças a Maicam Monteiro ntene um album (Momento Certo) kuaze pronto. Nsta na prépara nha primero album (Momento Certo) ki ta sai es ano ainda.

Djam tene musicas tudo pronto e nsa spera so finda nhas videos clip e faze nha album.

Nta spera mam ta racebe mas apoios inda de publicos e mes ta curte nhas trabadjos."