Entri mau influensia di amigos y ganansia di emprezários
Ê tinha ( inda ê ten?) un karrera prumisor komu futebolista di alto nível mas akontesimentus resenti sta kumprumeti sériamenti si futuro na futebol pa alén di kauza grandi transtornu na si vida pesoal y familiar.
Rubem Semedo ( 23 anos) lebadu es kinta-fera pa un kadeia na Spanha undi ê debi spera julgamentu pur krimi di agreson , sekuestro , roubo , tentativa di omisidiu y posi illegal di arma .. Ki dekreta prizon preventive sen direito a fiansa foi un juiz di un Tribunal di Valencia ki alega perigo di fuga.
Ruben sta akuzadu djuntu ku + 2 individuos ( un si primo y un otu individuo “não identificado” ) di ter robadu, agredidu, sekuestradu y amiasadu ku rekursu a arma di fogu un otu individuo na mansan di Ruben Semedo na Bétera, na municipio di Valencia . Pa es jugador di orijen kabu-verdianu kazu ta torna + gravi pamodi ten + out 3 kexa na Tribunal di Spanha kontra el pur alagadu envolvimentu na 2 insidentis ku pistola ( primeru nun bar di alterne na Valencia y kel otu frenti di un diskoteka).
AMIGOS , EMPREZÁRIO Y INTERMEDIÁRIO …
Es defeza sentral ki brilha na Sporting di Lisboa antis di ruma anu pasadu pa Villareal di La Liga tinha (ten?) tudu pa triunfa na mundo di futebol. Forti fizikamenti, rapidu y abilidozu, Semedo nu entantu “desepsiona” na Villareal ki dizenbolsa 14 milhons di euros pa lebal pa Spanha, undi inda antis di é kumesa treina si 2 emprezários ( José Fouto ku Catió Baldé ) dja sta-ba ta briga publikamenti pa odja kenha ki ta fika ku kumison di un milhon y meio di euros ( Baldé ki ti inda sta “reprezenta” Semedo y ki es kinta-fera ben fla sen fundamenta ma Semedo foi vitima di burla y ma ê ta spera ma kel li ta ben ser “mais um caso sem gravidade”).
Baldé talves inda ka da konta, mas kazu ê gravi pa Rubem Semedo , un joven jugador ki debia ten un midjor akompanhemnto di parti di si emprezários ( emprazarios ki talvez ta priokupa so ku dinheru).
INFANSIA KONTURBADU…
Si ten alguén ki Ruben Semedo + gosta nes mundo ê si mai Adelaide y si fidju-fémia Estela di 5 anu di idade .. Ruben ta fla ma so duntu k’os ki ê ta xinti paz, paz sta faltal nes mumentu difisil di si vida .
Fidju di mai ku pai kabu-verdiano, Ruben nasi y kria na Casal da Boba, un di kes bairro social + prublematiku di Amadora ( Portugal). Ku 5 anos di idadi ê odja si pai ta bai kadeia dipos di separa di si mai, mas apezar di tudu es “traumas” Ruben foi sempri un rapazinhu trankuilo y respetador ki so ta pensaba na si futebol…. Prublemas kumesa ta surgi kuandu ê kumesa ta ta na vista na Sporting y kumesa ta surji “amigos” talves + interesadu na tra pruveitu di si fama y di si dinheru ( txeu dinheru). Aparentimenti es “amigos” kumpanhal pa Spanha… fonte:ok
Rubem Semedo ( 23 anos) lebadu es kinta-fera pa un kadeia na Spanha undi ê debi spera julgamentu pur krimi di agreson , sekuestro , roubo , tentativa di omisidiu y posi illegal di arma .. Ki dekreta prizon preventive sen direito a fiansa foi un juiz di un Tribunal di Valencia ki alega perigo di fuga.
Ruben sta akuzadu djuntu ku + 2 individuos ( un si primo y un otu individuo “não identificado” ) di ter robadu, agredidu, sekuestradu y amiasadu ku rekursu a arma di fogu un otu individuo na mansan di Ruben Semedo na Bétera, na municipio di Valencia . Pa es jugador di orijen kabu-verdianu kazu ta torna + gravi pamodi ten + out 3 kexa na Tribunal di Spanha kontra el pur alagadu envolvimentu na 2 insidentis ku pistola ( primeru nun bar di alterne na Valencia y kel otu frenti di un diskoteka).
AMIGOS , EMPREZÁRIO Y INTERMEDIÁRIO …
Es defeza sentral ki brilha na Sporting di Lisboa antis di ruma anu pasadu pa Villareal di La Liga tinha (ten?) tudu pa triunfa na mundo di futebol. Forti fizikamenti, rapidu y abilidozu, Semedo nu entantu “desepsiona” na Villareal ki dizenbolsa 14 milhons di euros pa lebal pa Spanha, undi inda antis di é kumesa treina si 2 emprezários ( José Fouto ku Catió Baldé ) dja sta-ba ta briga publikamenti pa odja kenha ki ta fika ku kumison di un milhon y meio di euros ( Baldé ki ti inda sta “reprezenta” Semedo y ki es kinta-fera ben fla sen fundamenta ma Semedo foi vitima di burla y ma ê ta spera ma kel li ta ben ser “mais um caso sem gravidade”).
Baldé talves inda ka da konta, mas kazu ê gravi pa Rubem Semedo , un joven jugador ki debia ten un midjor akompanhemnto di parti di si emprezários ( emprazarios ki talvez ta priokupa so ku dinheru).
INFANSIA KONTURBADU…
Si ten alguén ki Ruben Semedo + gosta nes mundo ê si mai Adelaide y si fidju-fémia Estela di 5 anu di idade .. Ruben ta fla ma so duntu k’os ki ê ta xinti paz, paz sta faltal nes mumentu difisil di si vida .
Fidju di mai ku pai kabu-verdiano, Ruben nasi y kria na Casal da Boba, un di kes bairro social + prublematiku di Amadora ( Portugal). Ku 5 anos di idadi ê odja si pai ta bai kadeia dipos di separa di si mai, mas apezar di tudu es “traumas” Ruben foi sempri un rapazinhu trankuilo y respetador ki so ta pensaba na si futebol…. Prublemas kumesa ta surgi kuandu ê kumesa ta ta na vista na Sporting y kumesa ta surji “amigos” talves + interesadu na tra pruveitu di si fama y di si dinheru ( txeu dinheru). Aparentimenti es “amigos” kumpanhal pa Spanha… fonte:ok
COMMENTS