Hub aeroportuário - SAL OU PRAIA?
Sta fazedu es pergunta pamodi prezidenti di Camara di Praia Oscar Santos difendi es kuarta-fera ma hub aereo ki governo teni prujetadu pa Sal debi ser na labantadu na Praia pamodi na si opinion “kondisons logisticas y tudu u mais ê na kapital ki sta”. Ê ta fla inda ma na tudu parti di mundo HUB ê na capital ki ta sta, kuza ki facto ê ka ben verdadi.
Di kualker forma governo difiselmeti ta muda si decizon di instala es hub aéreo na aeroporto Amilcar Cabral na Sal ki duranti anos funsiona komu hub aereo di TACV ki utilizal komu plataforma pa distribuison di pasagerus di ses voos internasional… Mas pa alen di es experiensia akumuladu ku voos di TACV y di otus kompanhias internasional, aeroporto di Sal ten maior pista di Cabo Verde (3.272 metros) y ê sta autorizadu pa resebi avions di tudu porte, enkuantu pista di Praia ku si 2100 metros so podi resebi aeronaves di medio porte ( Ê pur isu ki Oscar Santos ta difendi alargamentu di pista).
Mas enkuantu Senegal invisti 600 milhons di euros pa konstrui di raiz un aeroporto na Dakar pa sirbi komu hub aereo y ki ta ben ser un konkurrenti forti di Cabo Verde na si konexon ku Afrika, enkuantu “konkorrensia” sta prepara Cabo Verde sta perdi tempu ku polemicas populistas ki poku ou nada ka ta djuda.
ESTRATEGIA DI SOBREVIVENSIA…
Es hub aereo na Sal ten tudu pa da sertu:
Ê ultimo boia di salvason pa TACV, mas ê tambe un dizafio ki Cabo Verde so podi ganha ku grandi profisionalismo, entrega y dedikason.
Estrategas di Icelandair podi djuda mas kenha ki ten ki luta pa susesu di es prujetu e CABO-VERDIANOS… Mas pa kel li ten ki ten un mudansa di mentalidadi, non so na modelo di geston mas tambe na propi forma di trabadja ... E ki un simplis fadja ou un falta di sintonia entre ekipas ku txeu avions na pista podi distrui es hub na kiston di minutos… Ê pur isu ki trabadjadoris ten ki sta la pa trabadja di korpu y alma… Ses maior kumprumisu ê pontualidadi ( imagina go un “hub” fitxadu pamodi bruma seka sima dja kustuma kontisi na aeroporto di Praia). fonte:ok
Ago bu podi da bu opinion:
Praia ou Sal?
Di kualker forma governo difiselmeti ta muda si decizon di instala es hub aéreo na aeroporto Amilcar Cabral na Sal ki duranti anos funsiona komu hub aereo di TACV ki utilizal komu plataforma pa distribuison di pasagerus di ses voos internasional… Mas pa alen di es experiensia akumuladu ku voos di TACV y di otus kompanhias internasional, aeroporto di Sal ten maior pista di Cabo Verde (3.272 metros) y ê sta autorizadu pa resebi avions di tudu porte, enkuantu pista di Praia ku si 2100 metros so podi resebi aeronaves di medio porte ( Ê pur isu ki Oscar Santos ta difendi alargamentu di pista).
Mas enkuantu Senegal invisti 600 milhons di euros pa konstrui di raiz un aeroporto na Dakar pa sirbi komu hub aereo y ki ta ben ser un konkurrenti forti di Cabo Verde na si konexon ku Afrika, enkuantu “konkorrensia” sta prepara Cabo Verde sta perdi tempu ku polemicas populistas ki poku ou nada ka ta djuda.
ESTRATEGIA DI SOBREVIVENSIA…
Es hub aereo na Sal ten tudu pa da sertu:
Ê ultimo boia di salvason pa TACV, mas ê tambe un dizafio ki Cabo Verde so podi ganha ku grandi profisionalismo, entrega y dedikason.
Estrategas di Icelandair podi djuda mas kenha ki ten ki luta pa susesu di es prujetu e CABO-VERDIANOS… Mas pa kel li ten ki ten un mudansa di mentalidadi, non so na modelo di geston mas tambe na propi forma di trabadja ... E ki un simplis fadja ou un falta di sintonia entre ekipas ku txeu avions na pista podi distrui es hub na kiston di minutos… Ê pur isu ki trabadjadoris ten ki sta la pa trabadja di korpu y alma… Ses maior kumprumisu ê pontualidadi ( imagina go un “hub” fitxadu pamodi bruma seka sima dja kustuma kontisi na aeroporto di Praia). fonte:ok
Ago bu podi da bu opinion:
Praia ou Sal?
COMMENTS