Virgen ku 22 ano: "Ten altura kin ta xinti duvidas, kin ta kré pensa ma é mi ki sta erradu"

Tudo alguen ka ta percebi, nhas amigas ta flan ma mais cedu ou mais tardi nha namoradu ta largan

Lizita manda es carta pa OK
"VIRGEN KU 22 ANO...
Oi Onda , nha nome eh Lizita, un ten 22 ano , mi eh di Praia mas mi eh studanti na Portugal, un ta considera ma mi eh un menina normal, un ka ten ninhun prublema di saude ou prublema na cabeça, es ta fla també ma mi eh simpatica, intiligente, bunita nen ka feia. Nhas amigas ta kré fla també ma mi eh un menina antiquada so pamodi ti inda mi eh virgen, alguns ka ta kré acredita mas eh verdadi.

A-mi ti inda mi eh vigen pamodi, embora un ten namoradu, inda un ka sta xinti confianti pa nu ten un relason ton intimo sima sexo, na nha cazu eh ka ten nada a ver ku religion, ku moral ou ku otus disculpas ki nu ta kustuma obi, pa mi eh un kiston di confiansa, di cumplicidade, di amor y di ruspetu, sempri un fla nha namoradu ma ora kin xinti ma nu sta preparadu nu ta cumeça nos vida sexual, mas inda nu ka ten quel empatia, quel confiansa pa eh entra na nha vida intimo.

Tudo alguen ka ta percebi, nhas amigas ta flan ma mais cedu ou mais tardi nha namoradu ta largan, mas un ta pensa ma si eh largan eh pamodi di facto eh ka gosta di mi o sufeciente ou eh ka ta estiman di verdade. Mas també un ten ki confessa ma ten altura kin ta xinti duvidas, kin ta kré pensa ma eh mi ki sta erradu, eh por isso kin screbi es carta pan pidi opinion di bu leitores.
- Lizita, ku amor.
(Nota di editor : Foto eh ka di Lizita, Lizita kré salvaguarda si identidadi, foto eh so pa ilustra cazu)"