“Cotas” strangeras kada bes + ta djobi prazer sexual na Cabo Verde
Es ê “ cotas” na ses caza 50, 60 ou ti di 70 ki ta sai di Europa, Estados Unidos ou di Canada pa ben disfruta non so di mar ku sol di Cabo Verde mas principalmenti pa ben disfruta di un prazer carnal, longi di preceitos di orden moral ou di possivel pirsiguison judicial ( Sima na kazu di turismo sexual masculino es mudjeris també ka ta pergunta idadi di rapazis/rapazinhos ki es ta involve kol).
Ka ten un numero izatu, mas ku aumento di turismo na CV tambe aumenta es categoria di “turistas sexual” ( mudjeris brancas y maduras) ki ten meios di ofereci ses kabesa férias di sexo y di erotismo.
Na maioria ê mudjeris dja reformadas ( viúvas ou divorciadas) dja un poku “fora di prazu” na mercado amorozu di sociedadi undi ki es ta vivi ( konsideradas mutu bedjas ou mutu gordas , 2 fator diskriminatório ki ta mergudjaz na solidon y na mizeria sexual).
E pa fugi di es solidon y falta di sexo ki es ta “kumpra” un féria ti Cabo Verde ( també na Africa es ta bai pa Kenia, Tanzania y Senegal) undi na ses imaginason es ta bai enkontra jovens negros sexualmenti vigorozus ki ta transportaz nun viagen sen escala pa paraizu di prazer.
Na Cabo Verde primeru enkontru geralmenti ta kontici na bera mar ora ki aproxima des un joven bendidor ta tenta impingiiz algun bugiganga ou artezanatu falsu ( maioria di es “bendidoris” ê “amigos” di kosta d’Afrika ki diskriminatoriamenti ta txomadi “mandjakus” mas tambe ten txeu jovens cabo-verdianos ki ta uza es estratégia). Sima bu podi imagina ê ka so relogios ku pulseras ki es jovens ta tenta bendi pa es turistas... Tambe es ta oferesi sexo.
“Primeru enkontru” tambe podi kontici na rua, na meza di un restaurante, na balkon di un bar ou na kualker pista di dansa.... Simpaticamenti es jovens ( otus inda adolescentes mas dja fluentes na 2 ou 3 linguas ) simpaticamenti es jovens ta aprosima ta pergunta es “cotas” si es mesti algun guia y es ta dexa ben klaru ma es ta fazi kualker servisu....Pa un hora di kópula geralmenti es ta kobra 2 ou 3 kontu ( pa noti interu ê mutu + karu) ten kes + sortiadu ( ou + spertu) ki ta fika ku un kansa jean, un oculos ou un kamizola bunitu komu rekordason.
Y ê di es forma ki PROSTITUISON MASCULINO torna “un forma di vida” pa centenas di jovens cabo-verdianos y imigrantis di costa d’Afrika ki sen un trabadju fixu na Cabo Verde ta bendi ses korpu pa sobrivivi.
Embora ka ton vizivel sima turismo sexual masculino undi “bedjus nojentus” ta djobi “karni fresku” nes nos “paraizu tropical “ , turismo sexual fimininu tambe sta en plenu expansan na Cabo Verde ku konivencia di certos agencias di viagen y turismo ki sutilmenti ta xplora “libido” di es “cotas” di idade ku prumesas veladas di noti di amor escaldanti na brasu di varons bronziadus y musculozus.
Pa sigui. Fonte:ok
COMMENTS