Caboverdiana perde 60 Kilo na 9 Mês, dipos de sufri ku troça de Amigas

Jessica ten 25 anu, é nasce na Cabo Verde e é kria na Luxemburgo. Nes ultimus 9 mês é perdi 60 kilo, e si vida transforma completamente.

Dypk recebi mensagem di Jessica ta conta si storia na primeira pessoa, un jovem kriola natural de Somada ki viaja pa strangeru ku 1 anu de idade:

"Hello nha nome e Jessica mi naci la Cabo Verde mas nha education n recebi li Luxembourgo. Na kel ultimus 9 mes li n perdi 60 kg. Nha vida muda tanto, n remarka mam mesmo mi como pesoa n muda tanto. Gora kes genti anti ki ta insultaba mi, ki ta falaba mal di mi, kre bem ser nha amiga. Gentis ki sempre te pensaba me es e mas superior ki mi.

N ta lembra kantu ki n tinha 16 anu, mi ta baba lyceu kes dama ta odjaba mi kabesa pa pé, ta gosa ku mi di nha corpu, de nha manera di bisti, nha manera di ser, ki na fim n fika ta pensa ma mi ke problema! Kel mas pior e ki kes genti ki ta fazeba mi chinti assim es era pretas cabo verdiana sima mi, gentis ki bem de mesmo pays ki mi!
Gosi ki nha vida dja muda es ta kre ben bira amiga ku mi, mi ka mesti nhos."

Sobre si perda de peso, Jessica xplika ma é magrice ku exercicio, ku dieta, tambe ma é foi bem acompanhado pa doutores e ma é recebe txeu força e apoio di si mae.
Es inkrivel perda de peso ki transforma vida de Jessica, fazel ser um alguen ki ta kuida mas del mesmu e keli dal motivason pa é faze kusas ki é gosta, sima por exemplu faze bodypainting. Gosi es si talento bira si trabadju.

Jessica fla ma ten txeu meninas ki sta sufri tambe, pamodi alguen ki ta faze troça de ses peso, e ma es menina ki ta obi kes kusas mariado ki es ta fladu, es ka ta xinti motivadas na faze kusas ki es gosta. Por isso, Jessica kré partilha si stória pa da kes meninas li força. É sabe kusé ki txeu meninas ki sta na es situason sta passa. Segundo é konta, kantu é staba na mesmo situason ka tinha pessoas ki ta comprendeba el, é ka faze ninhum formason na arte, mas kantu é ta sufreba ku bullying, é ta usaba pintura komu um forma de expressa tudu ki é tinha dentru del.

Es jovem kriola, ki dexanu inspiradu, pidi pa tudu meninas acredita na es mesmu, pa es ka escuta ku pessoas ki ta kré troças, desmoralizas ou ki ta kré fazes acredita ma ka é possivel sigui ku ses sonho, komu alguns alguen tenta fazeba ku el antis. facebook de Jessica/ fonte:dypk