Jimmy Pereira e primeru alguen ki sta anuncia si kandidatura pa eleison di Novembro pa Mayor di Brockton
Jimmy kre trazi un “ar fresku” pa Camara di Brockton, e kre ser Mayor di povu , principalmenti di kes familias + vulneravel ki sima di sel ta enfrenta tcheu dificuldadis
PEREIRA FOR MAYOR...
Foi di fatu y gravata ki Jimmy Pereira ( na foto ku si fidju-femia) anuncia es tersa-fera na kumunikason social si kandidatura pa eleison di 2017 pa Mayor di Brockton.
Jimmy Pereira, 25 anos, fla ma ê kré uza tudu si experiencia y si konhecimentu pa sirbi populason di Brockton undi kuazi 1/3 di populason ê cabo-verdiano ou ,sima el, di origen cabo-verdiano.
Embora nunka ê ka izerci ninhun kargu ou funson politico Jimmy fla ma si vida y si konkistas ta mosta ma ê ten sentidu di responsabilidadi y vontadi y kapacidadi pa ultrapasa situasons dificil...
Ê ki sima txeu jovens kriolu nascidu y kriadu na turbulência di Brockton, infancia y adolescencia di Jimmy també ka foi facil...
Kantu e tinha 13 ano policia prendel pur invazon di domicilio y ê tevi ki pasa 1 ano nun centro de detenson pa jovens delinkuentis... Mas kontrariamenti a tcheu jovens ki ta kontinua na mau kaminhu, Jimmy konsigui “da volta por cima” y ê rekonkista si auto- estima y auto-konfiansa na Liceu Tecnico di Sgringfield undi ê foi lider di equipa di futebol.
Ku esforsu y determinason ê tra kursu di Geografia y Planeamento Regional na Westfield State University y desdi 2014 ki ê sta trabadja komu koordenador di transporti komunitário nun agencia di planiamentu regional di estado di Massachussets ( Old Colony Planning Council)
Jimmy, ki ê pai di 2 fidju, fla ma e sta entra nes luta pa si fidjus y pa tudu fidjus di Brockton ki mereci un futuro midjor nun cidade + solidário y fraternu.
Ê kré ser també porta-voz di vizinhansa y di kes familias + vulnerável nun cidadi markadu pa diversidadi y konvivencia étnico/kultural.
Mas Jimmy sabi també ma si eleison ka ta ben ser facil kontra kes “velhos barons” di politica local .... Mas e fla ma e sta preparadu pa luta , preparadu pa konku na tudu porta, pa participa na tudu kumicios y pa fazi kampanha na rede social pa e podi leba si ideia y si prujeto pa tudo votantis di Brockton... Kuantu a si juventude ki podi odjadu komu un desvantagen ê da izemplu di mayor Jasiel Correia, un joven di 23 ano y també di origen cabo-verdiano ki desdi anu pasadu sta dirigi cidade di Fall River ku sabedoria y eficacia. Resta sabi ti ki pontu cabo-verdianos na Brockton ki ê un eleitorado importanti ta uni en tornu di es kandidatura ki ten voz y rostu kriolu. Spadjal. fonte:ok
PEREIRA FOR MAYOR...
Foi di fatu y gravata ki Jimmy Pereira ( na foto ku si fidju-femia) anuncia es tersa-fera na kumunikason social si kandidatura pa eleison di 2017 pa Mayor di Brockton.
Jimmy Pereira, 25 anos, fla ma ê kré uza tudu si experiencia y si konhecimentu pa sirbi populason di Brockton undi kuazi 1/3 di populason ê cabo-verdiano ou ,sima el, di origen cabo-verdiano.
Embora nunka ê ka izerci ninhun kargu ou funson politico Jimmy fla ma si vida y si konkistas ta mosta ma ê ten sentidu di responsabilidadi y vontadi y kapacidadi pa ultrapasa situasons dificil...
Ê ki sima txeu jovens kriolu nascidu y kriadu na turbulência di Brockton, infancia y adolescencia di Jimmy també ka foi facil...
Kantu e tinha 13 ano policia prendel pur invazon di domicilio y ê tevi ki pasa 1 ano nun centro de detenson pa jovens delinkuentis... Mas kontrariamenti a tcheu jovens ki ta kontinua na mau kaminhu, Jimmy konsigui “da volta por cima” y ê rekonkista si auto- estima y auto-konfiansa na Liceu Tecnico di Sgringfield undi ê foi lider di equipa di futebol.
Ku esforsu y determinason ê tra kursu di Geografia y Planeamento Regional na Westfield State University y desdi 2014 ki ê sta trabadja komu koordenador di transporti komunitário nun agencia di planiamentu regional di estado di Massachussets ( Old Colony Planning Council)
Jimmy, ki ê pai di 2 fidju, fla ma e sta entra nes luta pa si fidjus y pa tudu fidjus di Brockton ki mereci un futuro midjor nun cidade + solidário y fraternu.
Ê kré ser també porta-voz di vizinhansa y di kes familias + vulnerável nun cidadi markadu pa diversidadi y konvivencia étnico/kultural.
Mas Jimmy sabi també ma si eleison ka ta ben ser facil kontra kes “velhos barons” di politica local .... Mas e fla ma e sta preparadu pa luta , preparadu pa konku na tudu porta, pa participa na tudu kumicios y pa fazi kampanha na rede social pa e podi leba si ideia y si prujeto pa tudo votantis di Brockton... Kuantu a si juventude ki podi odjadu komu un desvantagen ê da izemplu di mayor Jasiel Correia, un joven di 23 ano y també di origen cabo-verdiano ki desdi anu pasadu sta dirigi cidade di Fall River ku sabedoria y eficacia. Resta sabi ti ki pontu cabo-verdianos na Brockton ki ê un eleitorado importanti ta uni en tornu di es kandidatura ki ten voz y rostu kriolu. Spadjal. fonte:ok
COMMENTS