Dizabafu di un “ex-thug” sobri mortes na Cabo Verde: "Kulpadu é sistema"

Na 2016 matadu na Cabo Verde 2 ou 3 pessoa pur semana.

Mike The King ka ta aprezenta komu “thug”… Ê ta fla ma el ê antigu thug mas pur un kiston di seguransa ê ka ta anda na Praia sen si “gang”.
Mike ê un di kes centenas di adloescentes y jovens rezidentes na kes bairros + prublematicos di Praia kapital ki nun determinadu altura di ses vida entra nes engrenagem infernal di krimi y di dilinquencia. Maioria ta fla ma ka foi un “escolha” , ma foi falta di opson( sen apoio familiar ou institucionalizadu, abandonados pa sociedade ki ta txomaz bandidu, maioria di “thugs” di Praia era mininos di rua ki entra na gang pur un kiston di pruteson y di sobrevivencia).

Mas nen tudu “thugs” ka ta sobrevivi.

Mike ta lembra di si irmon ki atxadu mortu dentu caza dipos di 3 dia. Ê ta fla ma ki mata si irmon ê SISTEMA y non gang.
E ta fla ma morti di si irmon “fika si”, embora ê ta jura ma tudu alguen sabi kenha ki staba involvidu ... E ku magua y revolta ki e ta fla ma ka fazedu ninhun investigason y asasinu di si irmon kontinua livre pa kumeti + krimi...

Pa Mike ê es sentimentu di inpunidadi ( mesmu dentu di gangs) y pirmitudu pa “sistema” ki ta pruvoka matansa na Cabo Verde. “Sen djobi pa ladu”.

Na 2016 matadu na Cabo Verde 2 ou 3 pessoa pur semana.
Txeu era thugs ki perdi vida na konfrontu ku grupos rival pa alen di kes ki bai hospital ku gravi ferimentos di bala. També txeu bai kadeia, envolvidus na krimi di morti, krimi korporal, pequenos traficos, roubo y stikon, assaltos a rezidencia, etc.

So na Praia ten uns 100 grupos di gang organizadu, numero ki autoridades ta fla ma sta reduzi mas ki propi xefis di gang ta disminti.
Ê ki tudu dia sta naci novos grupos, ku novos elementos , ku novo metodologias y ku novas formas di atuson, kuza ki es ta fla ma sta konfundi policia ki sta habituadu na kombati kes grupos “tradicional” dja identificados ki di facto sta en declinio.

Mas goci nau...
Goci gangs “sina” un tregua pa evita mortis entre es y pa txoma menus atenson di policia , mas na ses opinion delinquencia sta torna + gravi pamodi goci es ka sta agi + a-toa: Goci tudu ason ê studadu y planifikadu no pormenor... fonte:ok