Kual é futuro di es iemenita suspeito di terrorismo ki “deportadu” pa Cabo Verde?
Pelo menus si ki si reprezentanti pessoal na cadeia di Guantanamo flaba na pasadu mes di Maio antis di autoridades merkanu obil pa odja si ta libertaba el ou nau.
Na altura Shauqi Awad Balzuhair dja sabia ma na kazu di ê libertadu nunca ê ka ta pirmitida bai pa si terra pamodi guerra civil ki sta na Yemen ( y pa otus motivos tambe) ....Por isu dja bu odja ma cazório tinha ki ser nun paiz strangeru y aparentimenti Shauki sta preparadu pa matrimonio ku ajuda financeiro y espiritual di si familia sima si reprezentanti merkanu ta fla.
Aparentimenti es iemenita di 35 anos dizisti portantu di morri pa “Jihad” y di disfruta di parmanhan pa noti di kes 72 virgens ki martires di islăo ta fladu ma ten direito na pontu + altu di Paraizu.
Pa es joven ki kolegas ta fla ma tinha intenson di ser homem-bomba y di xpludi si kabesa;
Pa es joven ki sen julgadu passa 14 ano y un mes fitxadu na kalabouso sen kontactu diretu ku sexo oposto ( ê kapturadu ku 21 ano)
Pa es joven ki prendi matematica y karpintaria na cadeia di Guantanamo pa na futuro ê podi ganha un pon pa sustenta familia sima si reprezentanti ta fla ;
Pa es joven nascidu na Yemen futuro goci so ten un nome : CABO VERDE ( a non ser ki ê fugi, cuza ki e ka impossivel si bu sta lembra di kes izilados bascos di ETA- militar ki fugiba di Cabo Verde).
Mas ki ta konta ê ki es antigo militante di Al-Qaida y fanático di Corăo aparentimenti dicidi muda di vida y rializa si filicidade na Terra y non spera pa kes hipotéticas virgens di Paraizu. ...Y pa kel la ê ten ki atcha un dama nun di es 9 ilhas habitadas di Cabo Verde ( Si reprezentanti ta fla ma e sta disposto a “trabadja no duru”)
Mas pa alen di vontadi di “trabadja no duru” Shauqi ten otu formas di rendimentu : Certamenti ê ta beneficia na Cabo Verde di algun prugrama di re-inserson social y ê ta konta ku apoio di si familia na Yemen ki di acordu ku es si reprezentanti kré fazi tudu pa djudal . Ê ten inda un heransa depozitadu na si konta ki familiares flaba ma ta transfiri pa terra undi ki ê mandadu ( Familia també prumetel ajuda moral y espiritual ki es fla ma goci torna mutu + facil ku telefone y internet).
Caza pa mora ku familia també ê ka prublema pamodi di acordu ku si instrutor na Guantanamo es rapaz ten un grandi habilidadi pa konstruson ( ate ê fla ma ê ta odja objetos na 3 dimenson).
També ê apruveita si “estadia” na Guantanamo pa ê studa inglez y konxi kulturas di otu povos ( ê sigui classe di Artes e Habilidades ). fonte:ok
COMMENTS