Cabo Verde ten mais di 6 mil kriansas sen nome di pai na certidon di nascimento
ADÉLCIA Ê UN D’ES…
Adelcia ( nome ê ficticio pa prutegi si identidadi) Adélcia ê kodé di Marisa, un empregada di meza ki ta trabadja nun restaurante na Santa Maria, ilha do Sal.
Na si certidon di nascimento ta konsta ma Adélcia naci na dia 11 di Agosto di 2007, filha di mai solteira. Y pai?
Nome di pai ka sta na certidon.
Por motivos ki ka bali pena mensiona Alirio nega regista es kriansa ki naci dipos di ê termina si relason ku Marisa ( sima txeu otus pai iresponsável ê “da fora” kuandu ê da konta ma Marisa staba grávida)
Marisa nunka ka izigi nada di pai di Adélcia ki por por sentimentu di kulpa ou amor paternal poku a poku kumesa ta “aproxima” di es kriansa ( ê ta dal algun ajuda mas longe di kel penson alimentar ki lei ta estipula).
Adelcia ê un di kes 6.134 criansas ki na Cabo Verde sta spera pa Tribunal obriga pai pa registaz ( Marisa nunka ka bai kexa, mas kuandu ê bai el so regista Adelcia kazu sigui automaticamenti sima lei ta manda pa Procuradoria Geral da Republica pa investigason di paternidade já ki registo paternal ê obrigatorio).
Es numero di facto ê assustador ( e sta na relatorio di Situason di Justica di Ministerio Publico referentes a 2015/ 2016). E ta revela ma inda ten un grandi iresponsabilidade social di parti di certos homens cabo-verdianos ki sta enraizadu na nos kultura, na nos heransa komu povo.
90 % di es kriansas sen nomi di pai sta na Praia (5 226 cazus)
Es ê kuazi tudu fidju di mai solteiras y maioria ta kria djuntu ku irmons ki ten otu pai.
Tudu kriansa ten direito a nomi di pai na si certidon di nascimento ( Direito de Personalidade e Identidade). Pai tcheu bes ka ta regista fidju pa un kiston “economico” ( Si e ka regista ê ka ta fika obrigadu a dal kualker assistencia financeiro, assistencia pa saude y educason ou penson alimentar).
Tambe ê un kiston legal ja ki es kriansa ki pai ka regista ka fika por izemplu sen direito di heransa na cazu di morte di pai.
Dipos ten també kel vertente psicologico pamodi es mininus ta kria sen es “figura paternal” pa alen di burgonha ki es ta xinti ora ki es fladu ma es ka ten pai .
Por enkuantu Adelcia y milhares di otus kriansas na si situason sta spera pa Tribunal dicidi....Prucesu al-ves ê longu y na maioria di cazus ê ta favoreci pai pamodi pai simplismenti podi nega paternidade sen necesidadi di mostra prova (mai ê ki ten ki prova ma “tal flanu” ê ki ê pai di si fidju). Y komu na Cabo Verde inda ka ta fazedu teste di ADN al-ves ê dificil pa un mai prova kenha ki ê si pai di fidju.
Mas nen tudu pai ka ta fugi di es reponsabilidadi di regista fidju, embora ê un minoria ( na 2015 ovi 223 perfilhason na tudo 9 ilhas habitadas di Cabo Verde kuandu nes mesmu ano da entrada na Tribunal + 1.081 cazus pa investiga ) fonte:ok
Adelcia ( nome ê ficticio pa prutegi si identidadi) Adélcia ê kodé di Marisa, un empregada di meza ki ta trabadja nun restaurante na Santa Maria, ilha do Sal.
Na si certidon di nascimento ta konsta ma Adélcia naci na dia 11 di Agosto di 2007, filha di mai solteira. Y pai?
Nome di pai ka sta na certidon.
Por motivos ki ka bali pena mensiona Alirio nega regista es kriansa ki naci dipos di ê termina si relason ku Marisa ( sima txeu otus pai iresponsável ê “da fora” kuandu ê da konta ma Marisa staba grávida)
Marisa nunka ka izigi nada di pai di Adélcia ki por por sentimentu di kulpa ou amor paternal poku a poku kumesa ta “aproxima” di es kriansa ( ê ta dal algun ajuda mas longe di kel penson alimentar ki lei ta estipula).
Adelcia ê un di kes 6.134 criansas ki na Cabo Verde sta spera pa Tribunal obriga pai pa registaz ( Marisa nunka ka bai kexa, mas kuandu ê bai el so regista Adelcia kazu sigui automaticamenti sima lei ta manda pa Procuradoria Geral da Republica pa investigason di paternidade já ki registo paternal ê obrigatorio).
Es numero di facto ê assustador ( e sta na relatorio di Situason di Justica di Ministerio Publico referentes a 2015/ 2016). E ta revela ma inda ten un grandi iresponsabilidade social di parti di certos homens cabo-verdianos ki sta enraizadu na nos kultura, na nos heransa komu povo.
90 % di es kriansas sen nomi di pai sta na Praia (5 226 cazus)
Es ê kuazi tudu fidju di mai solteiras y maioria ta kria djuntu ku irmons ki ten otu pai.
Tudu kriansa ten direito a nomi di pai na si certidon di nascimento ( Direito de Personalidade e Identidade). Pai tcheu bes ka ta regista fidju pa un kiston “economico” ( Si e ka regista ê ka ta fika obrigadu a dal kualker assistencia financeiro, assistencia pa saude y educason ou penson alimentar).
Tambe ê un kiston legal ja ki es kriansa ki pai ka regista ka fika por izemplu sen direito di heransa na cazu di morte di pai.
Dipos ten també kel vertente psicologico pamodi es mininus ta kria sen es “figura paternal” pa alen di burgonha ki es ta xinti ora ki es fladu ma es ka ten pai .
Por enkuantu Adelcia y milhares di otus kriansas na si situason sta spera pa Tribunal dicidi....Prucesu al-ves ê longu y na maioria di cazus ê ta favoreci pai pamodi pai simplismenti podi nega paternidade sen necesidadi di mostra prova (mai ê ki ten ki prova ma “tal flanu” ê ki ê pai di si fidju). Y komu na Cabo Verde inda ka ta fazedu teste di ADN al-ves ê dificil pa un mai prova kenha ki ê si pai di fidju.
Mas nen tudu pai ka ta fugi di es reponsabilidadi di regista fidju, embora ê un minoria ( na 2015 ovi 223 perfilhason na tudo 9 ilhas habitadas di Cabo Verde kuandu nes mesmu ano da entrada na Tribunal + 1.081 cazus pa investiga ) fonte:ok
COMMENTS