Cadeias superlotadas, tribunais sobrecarregados, abuzu kontra prezus, brutalidadi policial, perfil racial, abuzu y prostituison infantil ...
Es Comite ta kumesa pa kondena y lamenta facto di governo di Cabo Verde ka etr mandadu ninhun relatório nen ninhun delegason pa participa nes trabadju, situason ki es ta fla ma ta torna impossivel sigui medidas ki Cabo Verde sta toma (ou nau) pa implementa regras di Convenção das Nações Unidas sobre Tortura e outros Tratamentos, Desumanos, Cruéis e Degradantes , un Konvenson ki Cabo Verde sina na 1993.
Es Comité trabadja portantu so ku dados fornecidus pa Comité Nacional dos Direitos do Homem di Cabo Verde y na si konkluzon ê mostra “preocupado” ku kes “konsistentes cazu di denuncia di brutalidadi policial “ kontra prezus na cadeia y ku alegadas recolhas de “perfil racial” duranti operasons di seguransa y di invistigason ( Comité ta recorda kes konfrontos entre policia y imigrantes di costa d’Africa na 2002 y 2005 y é ta alerta pa cazus di violencia kontra jovens komu forma di punison extra-judicial).
So na primero 10 mez di 2015 ovi 50 queixas por abuzu policial ( alguns foi denunciadu li na OK) y na ultimos anos Comité Nacional dos Direitos do Homem recebi en media 10 queixas por ano. Autoridades sempri ta prumeti fazi inqueritos pa “averigua cazu” mas na verdade dipos ka ta dadu ninhun informason y policias envolvidos nes alegadas brutalidades kuazi nunca ka ta responsabilizadu.
Dipos ten també kes atrazu na prucesu kriminal .
Di acordo ku relatório di es órgăo das Naçðes Unidas es atrazu també ta kontribui pa kel sentimento di umpunidade di parti di populason ki al-ves simplismenti ta “squeci” ou ta retira cazu di Tribunal.
Situason na cadeia sta torna kuazi insuportável.
Numero di prezus duplica desdi 1997 y es sobrelotason sta kontribui pa aumento di trafico di droga principalmenti na cadeia di S.Martinho, na ilha di Santiago. Mas tambe ten falta di guardas, falta di servisus di saude ( principalmente saude mental) y situason sanitária ta dexa “muito a desejar”.
Sistema Judicial també sta sobrecarregado ku falta di pessoal kuza ki ta gera tcheu atrazus ku prucessos pendentes y prolongamentu excesiivu di periodos di prizon preventiva. Comité inda ta fla ma facto di juizes ser mal pagos ta tornaz vulnerável a subornos y korrupson.
Mas ê ka so na cadeia ou na justisa ki ta kontici abuzos.
També na caza y na rua, principalmenti na kes bairros + vulneravel, ta kontici tcheu cazos di violencia kontra mudjer y kriansas, kriansas ki tantu na scola komu na caza ta sufri castigos korporal.......Kriansas també ki di acordo ku Naçoes Unidas sta kada ves + envolvidos na prostituison , mendicidade, tráfico di droga y venda ambulante ( Comité ta lamenta facto facto di ka introduzidu ninhun penalizason pa kenha ki ta prumovi prostituison di jovens/adolescentes na ultimo revizon di Código Penal) fonte:ok
COMMENTS