Bebida e un di kes principal cauza di incapacidade laboral...

3.6 % di pessoas ki ta morri na Cabo Verde ê pamodi alcool y hoje en dia ten kriansas ki ta kumesa bebi ku 7 ano...

ENTON PAMODI KI BU TA BEBI ?
Alcool ta distrui:
Ê ta distrui bu vida, ê ta distrui bu saude, ê ta distrui bu familia, ê ta distrui bu lar y di acordu ku dados di INPS tambe e ta distrui bu emprego ou bu vida profesional : Na 2015 Instituto Nacional di Providência Social prucesa 4.201 baixas médicas ( 27% di pensionistas) y bebida foi un di kes principal cauza di incapacidade temporária. Es dados foi reveladu es tersa-fera na Mindelo durante un conferencia sobre impacto di bebida na saude . Medico Jose Sousa Santos acrescenta ma “bebida é un kalamidade ki podi distrui Cabo Verde” si ka tomadu medidas.

Di facto alcoolismo na Cabo Verde ten kustu alto non so pa kenha ki ta konsumi mas també pa propi estado di Cabo Verde. Kada un di kes 40% di cabo-verdianos ki ta bebi ta konsumi em média 18 litros di alcool por ano ( un di kes + alto di Africa) Kes ki ta ganha dretu ta gasta uns 2% di ses salário so na bebida, mas kes ki ta ganha poku al-ves kuazi metadi di ses ordenado ta fika na “taska”.
Pa alen di cauza un rombo na orsamentu familiar konsumo di alcool també dja leba tcheu pai di familia a perdi ses trabadju ou fika temporariamenti na caza pamodi prublema di saude ( + di 1/3 di doentes internados na psiquiatria ten prublema di bebida y 5% di cabo-verdianos ta xinti perturbason mental pamodi alcool).

3.6 % di pessoas ki ta morri na CV ê pamodi alcool ( + alto percentagen di paizes luzofonos) y hoje en dia ten kriansas ki ta kumesa bebi ku 7 ano...
Mas si alcool ta distrui kel li tudu alguen dja sabi.
Enton pamodi ki ta bebedu tcheu?
Kual é es forsa destrutiva ki ta leba alguén a poi en risku si saude, si famila y si trabadju pa pasa ta vivi na na dependencia di es droga ki embora legal ê ka ta dexa di ser un droga?
Djuda entendi .... fonte:ok