George Leităo, ku 8 ano di idade, ta panhaba frutas baxu di un sol abrazador djuntu ku otus mininus y jovens di origen Cabo-verdianu pa ranja algun dinheru pa djuda familia
JUIZ GEORGE LEIGHTON KOMPLETA 104 ANOS DE VIDA...
Nu sta na Agosto di 1920, algures na estado di Massachussets nun plantason di cranberry ( fruta originário di Estados Unidos ki ta parci ku cereja y ki també ta txomadu oxicoco, arando ou uva-do-monte)
George Leităo, un rapazinhu ku si 8 ano di idade, sta panha es fruta baxu di un sol abrazador djuntu ku otus mininus y jovens di origen cabo-verdianu pa ranja algun dinheru pa djuda familia ( si mai ê Ana Silva Garcia y si pai e António Neves Leitão, tudo 2 emigrantes di ilha Brava ki fixa rezidencia na New Bedford dipos di txiga Merka na busca di un vida midjor).
Rostu di es rapazinho sta kubertu di puera misturadu ku suor, enkuantu sol sta kemal riju na costa.... Ramos di planta també sta firil si pernas y es mininu dja ka teni + forsa pa kata cranberry...
Foi enton ki ê labanta rostu ê djobi pa ceu y ê fla dentu dentu d’el.... nau, a-si ka ta da, ten ki ten otu forma di ganha vida.
Juiz George Leigton ta fla ma kel la foi primeru “mumentu xavi” di si vida. Foi nes mumentu ki ê dicidi ma ê tinha ki studa y ser “alguen na vida” .
Si segundo “mumentu xavi” foi kuandu ê sta diskaskaba batata nun restaurante pa ê djunta algun dinheru pa ê podi bai universidade...Ê ta dicidi guarda es pedra pa ti dia ki e ser advogado y colocal riba di si secretaria ( Odja video na kumentario).
Na 1940 George recebi si diploma di advogado na Howard University ku nota maximu. Ê trabadja 62 anos komu jurista ( entre es 23 komu juiz) ... E reprezenta milhares di pessoas na Tribunal , é tra alguns di “Corredor da Morte” y ê julga cazus di pena capital.
Komu advogado George Leigton ( apelido foi “amercianizadu pa un prufesor ki ka ta konsiguiba pronuncia Leităo) ) komu advogado George Leigton nunka ka reprezenta pessoas pa dinheru...Ê por isu ki nunka ê ka rikici ku es profison, embora ê foi fundador di un di kes maior firma di advogados afro-americanos na Merka ... Sempri é leba un vida mudestu na ladu di si mudjer Virginia ( ki morri na 1992) y 2 fidju.
Mas si George ka ganha dinheru komu advogado na difendi pretos ê ganha REPUTASOn : Ti inda el ê un di kes + ruspetadu kriminalista na Merka y na Chicago undi ê trabadja komu jurista y prufesor ê inspira gerasons di advogados, Barack Obama incluidu.
George Leigton foi di facto kel primeru afro-americano ki nomiadu juiz na estado di Illinois ( na 1975 por orden di Prezidenti Ford). Ê reforma na 1987 mas ê kontinua ta trabadja na si firma di advogados ti kuazi 100 anos di idade).
Kel li ê so un pequeno parti di es incrivil storia di es merkanu/cabo-verdiano ki na dia 22 di Outubro kompleta 104 anos di idade rodiadu di amigos y familia nun lar di idozus na cidade di Brockton undi ê sta mora dja ten uns 5 mes.
Si vida na verdadi ta da un livro , ou un filme ....
Hora ki ê djobi pa tras ê ta recorda si luta pa Direitos Civil , si kombati kontra racismu y discriminason na Merka... Ê ta recorda guerra di Correia na 1945 undi ê sai ku galon di kapiton, ê ta recorka kel petroleru ki é trabadja nel pa djunta dinhero pa paga scola , mas ê ta recorda també di tudu kel amor, apoio y dedicason ki ê recebi di si mai ku pai ...
Di facto sima si colegas di Lei ta fla Juiz George Leigton ( “The Judje” si ê ta txomadu) di facto George Leigton ê un homi ki TRANCENDI : Ê trancendi clasi social , ê trancendi rasa, ê transcendi religion...
Segredo pa es vida kumpridu?
George ta fla ma sima si pai enxinal nunka ê ka bebi, nunka ê ka fuma y ma pa undi ki ê bai sempri ê djobi pa ladu... fonte:ok
Nu sta na Agosto di 1920, algures na estado di Massachussets nun plantason di cranberry ( fruta originário di Estados Unidos ki ta parci ku cereja y ki també ta txomadu oxicoco, arando ou uva-do-monte)
George Leităo, un rapazinhu ku si 8 ano di idade, sta panha es fruta baxu di un sol abrazador djuntu ku otus mininus y jovens di origen cabo-verdianu pa ranja algun dinheru pa djuda familia ( si mai ê Ana Silva Garcia y si pai e António Neves Leitão, tudo 2 emigrantes di ilha Brava ki fixa rezidencia na New Bedford dipos di txiga Merka na busca di un vida midjor).
Rostu di es rapazinho sta kubertu di puera misturadu ku suor, enkuantu sol sta kemal riju na costa.... Ramos di planta també sta firil si pernas y es mininu dja ka teni + forsa pa kata cranberry...
Foi enton ki ê labanta rostu ê djobi pa ceu y ê fla dentu dentu d’el.... nau, a-si ka ta da, ten ki ten otu forma di ganha vida.
Juiz George Leigton ta fla ma kel la foi primeru “mumentu xavi” di si vida. Foi nes mumentu ki ê dicidi ma ê tinha ki studa y ser “alguen na vida” .
Si segundo “mumentu xavi” foi kuandu ê sta diskaskaba batata nun restaurante pa ê djunta algun dinheru pa ê podi bai universidade...Ê ta dicidi guarda es pedra pa ti dia ki e ser advogado y colocal riba di si secretaria ( Odja video na kumentario).
Na 1940 George recebi si diploma di advogado na Howard University ku nota maximu. Ê trabadja 62 anos komu jurista ( entre es 23 komu juiz) ... E reprezenta milhares di pessoas na Tribunal , é tra alguns di “Corredor da Morte” y ê julga cazus di pena capital.
Komu advogado George Leigton ( apelido foi “amercianizadu pa un prufesor ki ka ta konsiguiba pronuncia Leităo) ) komu advogado George Leigton nunka ka reprezenta pessoas pa dinheru...Ê por isu ki nunka ê ka rikici ku es profison, embora ê foi fundador di un di kes maior firma di advogados afro-americanos na Merka ... Sempri é leba un vida mudestu na ladu di si mudjer Virginia ( ki morri na 1992) y 2 fidju.
Mas si George ka ganha dinheru komu advogado na difendi pretos ê ganha REPUTASOn : Ti inda el ê un di kes + ruspetadu kriminalista na Merka y na Chicago undi ê trabadja komu jurista y prufesor ê inspira gerasons di advogados, Barack Obama incluidu.
George Leigton foi di facto kel primeru afro-americano ki nomiadu juiz na estado di Illinois ( na 1975 por orden di Prezidenti Ford). Ê reforma na 1987 mas ê kontinua ta trabadja na si firma di advogados ti kuazi 100 anos di idade).
Kel li ê so un pequeno parti di es incrivil storia di es merkanu/cabo-verdiano ki na dia 22 di Outubro kompleta 104 anos di idade rodiadu di amigos y familia nun lar di idozus na cidade di Brockton undi ê sta mora dja ten uns 5 mes.
Si vida na verdadi ta da un livro , ou un filme ....
Hora ki ê djobi pa tras ê ta recorda si luta pa Direitos Civil , si kombati kontra racismu y discriminason na Merka... Ê ta recorda guerra di Correia na 1945 undi ê sai ku galon di kapiton, ê ta recorka kel petroleru ki é trabadja nel pa djunta dinhero pa paga scola , mas ê ta recorda també di tudu kel amor, apoio y dedicason ki ê recebi di si mai ku pai ...
Di facto sima si colegas di Lei ta fla Juiz George Leigton ( “The Judje” si ê ta txomadu) di facto George Leigton ê un homi ki TRANCENDI : Ê trancendi clasi social , ê trancendi rasa, ê transcendi religion...
Segredo pa es vida kumpridu?
George ta fla ma sima si pai enxinal nunka ê ka bebi, nunka ê ka fuma y ma pa undi ki ê bai sempri ê djobi pa ladu... fonte:ok
COMMENTS