VIVA JOGOS OLIMPICOS

Nu podi prendi ma ku disciplina, ku ética, ku ruspetu pa nos cabesa y pa nos simelhante ma vida ka ten limiti.

Dja txiga kel Grandi Dia

VIVA JOGOS OLIMPICOS !!
Kuandu Pierre de Coubertin reintruduzi Jogos Olimpicos di un forma laiku y alargadu ê sta pensaba fundamentalmenti na aprocimason di povus. Sin, dja era un kompetizon fizica, di korpu y de sentidos, mas ideal olimpico ka era pa glorifica vencedoris y squeci di vencidus : Era sobretudu pa konvivi, pa supera diferensas cultural ...

Seria un poku ingénuo di nos parti acredita ma es ideal Olimpico inda oji sta intacto, oji ki Jogos Olimpicos sta “kontaminadu “ pa intereses ki ka ten nada a ver ku desporto (kontratos, patrocinios, benesses, etc). Theu atletas sta na Brazil non pa kompiti pa simplis prazer di kompiti, ku kel generozidadi y humildadi di antigamente, mas sin pa ganha medalhas y disfruta di beneficios ki fama ta trazi.

Mas mesmu si Jogos Olimpicos kontinua ta ser kel eventu + democratico di mundo: Es sexta-fera ta disfila na Maracană + di 10 mil atletas di 206 paizes y territórios ( 207 si nu konta ku “equipa” di Atletas Refugiados). Txeu tevi ki passa pa grandi privason y dizafios pa podi sta prezenti nes eventu . Mas es suplanta. Tantu na desporto komu na vida.
So facto di sta prezenti nes palco mundial ta prova ma ser humanu ku treino, disciplina y motivason podi ultrapasa tudu barreras ...

Ê por isso ki nu ten un admirason especial pa es nos atletas ki es sexta-fera ta disfila na Maracană ku kor di Cabo Verde. Es dizafia distino ... Es dizafia també arrogancia di favoritos y ku esforsu y dedicason es ganha un lugar entri midjoris. Y nos tambe nu podi prendi kos.

Nu podi prendi ma ku disciplina, ku ética, ku ruspetu pa nos cabesa y pa nos simelhante ma vida ka ten limiti.... Nu podi prendi ma “corpo sêo” nun “mente săo” e un mistura ki ta tornanu kompetidoris di elite nes grandi maratona da vida ...

Y mensagen ki nu ta gostaba pa es "karavana Kriolu" kompartilha ku atletas di mundu interu ê MAIS AMOR nes mundo kadu bes + markadu pa diferensa, pa intolerancia, pa konflitus religiozu y pa xoki di kulturas.
Amor y Tolerancia ê kel xama “olimpica” ki nu debi transmiti, non so pa jovens di oji mas també pa kes ki ta ben. fonte:ok