Konxe joven ki carega bandera de Cabo Verde na abertura di Jogos Olimpicos

Ê tevi honra y privilégio di karrega bandera di Cabo Verde na abertura di Jogos Olimpicos

KENHA KI Ê ZEZINHA ANDRADE?
Maria Jose Delgado Andrade (Zezinha) naci na seio di un familia humildi na Ribeirinha, suburbio di Mindelo.... Nada ka ta flaba ma 23 anos dipos ê ta lideraba delegason di Cabo Verde na kel + importanti acontecimento desportivo di Planeta Terra, mas na verdadi 80 mil pessoas na estádio Maracană di Rio de Janeiro y + uns 900 milhons na mundo interu odja na televizon Zezinha Andrade ta karrega bandera di Cabo Verde na cerimónia di abertura di Jogos Olimpicos Rio 2016.

Talvez Zezinha foi kel escolha + “óbvia” pa ser porta-estandarte di nason cabo-verdiana.
E ki pa alen di si merito desportivu Zezinha ta simboliza rializason di un “certu sonhu “ di kuazi tudo cabo-verdianos : Sonhu di venci na vida, di venci barreras, di ultrapasa obstaculos ki na principio ta parci impossivel.

Zezinha di facto pasa pa txeu dificuladdes, mas nunca ê ka dizisti di si sonho ki un dia reprezenta si terra na Jogos Olimpicos.... Un sonho ki kumesa ta toma forma kuandu dja ten uns 2 anu surgil “pur acazu” un oportunidade di treina taekwondo na Estados Unidos ( ki staba pa bai era un si colega mas surgi un emprevistu y Zezinha ki era un di kes 3 midjor di Cabo Verde bai na si lugar)

Zezinha “agarra” es oportunidade y na poku tempu ê torna un atleta di elite kapaz di kompiti ku kes midjor di Africa. Y foi di es forma ki ê kualifica “por mérito proprio” pa sta prezenti na Rio 2016. Pa tras fika atletas africanus ku mutu + experiencia y tempu di treinu ( Zezinha inda ten so uns 3 ano ki ê sta treina es arte marcial).

Es minininha di Soncent certamenti ka rapendi di ter dexadu si familia y abandonadu si estudos ( era studante di direito) pa korri tras di si sonho. Y dipos di karrega bandera di Cabo Verde , quem sabe?
Quem sabe si Zezinha ka ta da Cabo Verde si primeru medalha na Jogos Olimpicos? fonte:ok