Renato Sanches fazi keston di paga despeza di casamento di si Mai

Renato Sanches ka sisti casamento pamodi ê staba na França ku seleson di Portugal mas ê fazi kiston di suporta tudo gasto

Nelo ku Maria da Luz rezolvi da nó
RENATO SANCHES FAZI KISTON DI PAGA CAZÓRIO...
Maria da Luz é kel kriola mai di Renato Sanches, novu stréla di futebol europeu.
Separada di pai di Renato praticamenti desdi ki ê naci, Maria da Luz sempri acumula trabadju na limpeza na Lisboa pa sustenta si fidjus, al-ves ku txeu dificuldade. Talvez ê por isso ki Renato Sanches rezolvi ritribui y realiza sonho di si mai.

Sonho di mai di Renato era caza ku Nelo, si kumpanhero di longa data, mas un “cazamentu digno” ki ta implica gastos ki es cazal ka podia suporta.
Pois é.
Maria da Luz ku Nelo caza es sabado na Amadora, nun cerimónia dignu di un princeza (foto) Renato Sanches ka sisti pamodi ê staba na França ku seleson di Portugal mas ê fazi kiston di suporta tudo gastos, incluindu bestidu y fato di noivos. Tambe ka falta kel limousine pa transporta noivos, pa alén , ê klaru, di kel tradicional copo d’agu .

Renato Sanches ten un relason mutu pertu ku si mai y ku si padrasto. Por exemplo kuandu prezidenti di Benfica Luis Filipe Vieira dicidi ranja un caza pa el, so ê aceita muda si for djuntu ku si familia.
Kuandu e recebi si primeros ordenados como professional di Benfica ê dicidi kumpra un apartamento mas tinha ki ser logu na frenti di caza di si mai Maria da Luz.... Maria da Luz també ki dipos di Benfica ganha kampion fazi kiston di bai agredeci treinador Rui Vitoria pa chance ki ê da si fidju.

Y ê si..... ka ten nada midjor ki un familia unidu.
Un union ki certamenti ta manti mesmu si Renato Sanches ku apenas 18 ano ten ki separa di familia pa bai tenta voos + altos na Alemanha undi Bayern di Munich sta speral.
Boa sorte pa RS y felicidades pa es cazal. fonte:ok