Portugal: Manifestason kontra Lei ki ta “ilegaliza” 90% di imigrantis ki staba na prucesu di legalizason

manifestason kontra Lei ki ta “ilegaliza” difinitivamenti 90% di imigrantis ki staba na prucesu di legalizason ta contice na Lisboa

Bu sta konvidadu pa participa na manifestason es dia domingo na Lisboa kontra Lei ki ta “ilegaliza” difinitivamenti 90% di imigrantis ki staba na prucesu di legalizason
ABAIXU NOVA LEI...
“Nova Lei “ ê un dispacho konsideradu “intolerável” di Serviços de Estrangeiros e Fronteiras de Portugal ki ta ristringi possibilidadi di legalizason so a kes imigrantes ki ten visto Shengen y ki entra na Portugal dentu di prazu di validade di es visto ( 15 a 30 dias).

Ku aplicason di es lei ê milhares di imigrantis ki staba na prucesu di legalizason di rezidencia ( entre es centenas di cabo-verdianos) ki automáticamenti ta fika fora di es prucesu di legalizason.
Di facto 90% di “indocumentados” na Portugal ka entra ku visto Shengen, Es entra di forma “irregular” ( Cazu por exemplo ki cabo-verdianos ki ten dificuldade na konsigui visto di turismo pa Portugal).
Ti 2015 tudu imigrantes ilegal podia “regulariza” si “situason” na Portugal indipendentimenti di forma como ê entra na território portuguez, desdi ki e aprezenta kontratu di trabadju y prova ma es sta inscritu na Providencia Social,

Mas ku es novu lei tudu cuza muda.
Segundo Associason “ Solidariedade Emigrante”, ku es novu lei ê 90% di “indocumentadus” ki ta fica indifinitivamente fora di sistema.
Pa es plataforma es dispacho ta kria “uma situação intolerável de estigmatização e exclusão de milhares de imigrantes”.
Ê por isso ki es marka un manifestason pa dia domingo 3 di Julho ku koncentrason a-partir di 2 hora di tarde na Martim Moniz, na Lisboa (Djuntu di Hotel Mundial).

Tudu cabo-verdianos rezidentes na Lisboa sta konvidadu: “ Sem Direitos Iguais Todos Perdemos”.
Pa + informason vizita ses página na kumentario. fonte:ok