França: Joven kriolu ê novu “star” di humor na França

Fary Lopes, 24 ano, kumesa ta interessa pa komédia na 2012, encurajadu pa si mai ki ê imigrante cabo-verdiana na França

Joven kriolu ê novu “star” di humor na França
UNICO PRETU NA TAPETE VERMELHO...
Foi na Festival di Cinema di Cannes, na principio di es mes di Junho. Fary Lopes foi unico humorista negru ki konvidadu pa bai anima nata di cinema mundial ku si piadas y anedotas. Foi un sucesu y grasas a kubertura televizivu es joven kriolu torna “star” di un dia pa otu, el ê novu “coqueluche” di humor francez.

Fary Lopes, 24 ano, kumesa ta interessa pa komédia na 2012, encurajadu pa si mai ki ê imigrante cabo-verdiana na França y pa un prufesor ki rapara ma e tinha jetu.

Modi ki ê kumesa?
Fary ta fla ma ê kumesa ta konta piadas y anedotas pa si familia pa engana tristeza, kuandu si pai rezolvi regressa pa Cabo Verde.
Hoje el ê un homorista profissional ki ta intxi salas na Paris y ki ta galvaniza audiencia televiziva ( si “cachet” ê elevadu, cuza ki ê fla ma ta pirmitil da si mai kel “vida midjor” ki ê bai djobi na Europa).

Mas Fary ten tambê un otu xplicason pa escolha di es profison: Ê fla ma na França ser so “pretu” ka ta txiga pa bu ser ruspetadu .....Bu ten ki ser + algun cuza, bu ten ki ten algun “adjetivo” , por exemplo “pretu musculozu”, “pretu stilozu”, “pretu muziku”, etc (“pretu gay” ka ta da pamodi bu ta discriminadu duplamenti) ...Y como ê ta fla ma el ê ka nen musculuzu nen stilozu ê rezolvi konta parti ( pretu partiozu...). fonte:ok

Video encontrado na youtube