11 bebés dja naci duente na Cabo Verde pamodi Zika

governo merkanu dja da luz verde pa testa un vacina experimental kontra Zika na ser humano.

PRIMERU CAZU MORTAL ...
Kazu mortal kontici na ilha do Maio undi un mai infetada pa Zika da nascimento a un bebé dja mortu ku txeu deformason y sintomas klaru di microcefalia, un duensa cerebral incuravel ki + tarde ou + cedu ta pruvoca morte. Na Maio naci inda un otu kriansa ku es mesmo duensa enkuantu sta 20 otu gravidas ku kurason pertadu pamodi es foi infetadas ku virus di Zika na primeru 3 mes di gestason.

Mas ê na Praia ki cazu sta torna kada dia + alarmante. Na capital ti dia 14 di Junho dja naceba 9 bebés ku microcefalia , enkuantu sta + 170 gravidas ki foi infetadas ta spera pa ten fidju. Ten + 44 gravidas infetadas na S.Filipe y 4 na Boavista, ki ta totaliza 250 grávidas infetadas na CV segundo Serviço de Vigilância Integrada e Respostas a Epidemias . Es tudu es sta ser siguidu pa servisus di Ministério di Saude mas pa es bebés ki naci ku Zika cenario é critico pamodi na Cabo Verde ka ten un servisu di saude inter-disciplinar capaz di acompanhaz.

MERKA AUTORIZA TESTE DI VACINA NA SER HUMANO
Na Merka també dja foi detetadu 3 bebes ki naci ku microcefalia pamodi Zika ( 3 otu gravidas ki foi infetadas interrompi gravidez). Governo di Merka ta fla ma maioria di cazus foi importadu ( un di es mai ê di Cabo Verde) ou ma enton mudjeris infeta atraves di relason sexual.

Di kualquer forma governo merkanu dja da luz verde pa testa un vacina experimental kontra Zika na ser humano. Vacina, denominada 'GLS-5700, ta ben ser testada na 40 voluntários a-partir di proxima semana mas so dentu di 2 ou 3 ano ê ki ta sabedu ku certeza si é ta funciona ou nau na ser humano. Para ja midjor “ramedi” e evita picadas di mosquito ou relason sexual ku pessoas ki foi infetadas, principlamnete pa mudjer ki kre engravida ... fonte:ok