Kriola desesperada... "Sera ki ndebi konta pa nha Marido ma nfazi Korda ku Bruxaria pé kaza ku mi..."

Korda ku bruxariias da rezultadu pamodi na fin nu ben káza i hoje nu teni fidjus.

E kré un orientason na vida
KRIOLA DESESPERADA...
Na mensagen ki ê manda pa Onda Kriolu ê konta ma ê sta vivi un verdaderu inferno sen sabi modi ki ê ta venci sentimento di culpa e de remorsu ki dia a dia sta konsumil. Si mensagen ê un dezabafu, mas tambê ê un pedidu di socorro. E sta pidi pa bu djudal enkontra un soluson. Mensagen ki ê manda ê kel li :

"Bom dia tudu alguén. Nha dezabafu ê siguinti:
Uns anos atras un ben pa Merka ilegal i n’sta mesteba documento. Foi kuando un konxi un rapaz ki hoje ê nha marido. Na altura ê staba nun relason mas ku txeu guerra un capricha un da riba del até ki ê fica so ku mi. Ê ta flaba mi ma ê gostaba txeu di si ex i n’ta pensa ma ti inda ê gosta del... Enton n’fazi txeu cuzas mariadu pa ê kaza ku mi... kuzas ki nunca n’ka devia fazi mas dizuspero ki pon fazez... Ku nha mai nu fazi monti porcarias (korda) nu pol ramédi na bebida i txeu otu cuzas ki hoje n’ta rapendi.

Korda ku bruxariias da rezultadu pamodi na fin nu ben káza i hoje nu teni fidjus. Prublema ê ki sta xinti culpada i nos cazamentu torna un verdaderu inferno pamodi nu ta briga txeu i n’sabi també ma ê ta kornian tcheu... Si ex ê linda kopu leti i ê ten corpu bunito i n’ka ta konsigui kompiti kol. N’ten vontade papia ku si ex mas ela nen ê ka ta poi rostu na mi ora ki nu ta kontra.

N’ten un pezu grandi dentu mi pamodi n’sabi ma nha marido ti inda gosta del txeu mas n’sabi també ma ê dificil es torna djunta pamodi menina ê copu leti orgulhosa ten bon trabadju i nha marido ê ka kré odjal nen na caxon.
N’sta triste i dizusperada pamodi mi ê ka feliz i djan kansa di vivi so di fachada. Por isso n’sta mesti ajuda pan dicidi: Un debi konta tudu pa nha marido ou dexa tudu sima sta ? Nhos djudan.
Konfusa d mas !!!!" fonte:ok