di acordu ku psicólogos criminalistas un sociopata ou mesmu un psicopata nunca ka ta anuncia crime abertamenti. Pelo kontrario, ê ta premedital “dentu del”, é ta pensal y ê ta repensal
DI ACORDU KU PSICOLOGIA CRIMINAL SOCIOPATA OU PSICOPATA NUNCA KA TA RAPENDI…
Sociopata ta nega CATEGÓRICAMENTE ma el ê ki kumeti krimi. Ê ta tenta konvenci tudu alguén ma el ê inocente. Ou enton ê ta kumesa ta fla kuzas sen nexu pa fladu ma el ê dodu. Ê ta simula, é ta manipula, mas nunca .....nunca ê ka ta fla ma el el kulpadu ki fari fla ma ê ta rapendi.
Ê si ki psicologia criminal ta trasa perfil di un sociopata: Un individuo ku un determinadu desorden mental anti-social ki ê podi naci kol mas ki ê cauzadu principalmenti pa factores negativos na si “socializason” moda negligencia di familia, pobreza extrema, etc .
DIFERENSA ENTRE UN SOCIOPATA Y UN PSICOPATA
Un sociopata ê diferenti di un psicopata pamodi enkuantu nun sociopata pezu di sociedade ê preponderante na desenvolvimento di si personalidade violentu y anti-social, nun psicopata es tendencia ê di orden puramenti genético (e ta naci kol). Diferentimenti di un sociopata un psicopata ê mau y cruel “por natureza” y na si maldade un psicopata ka ta ruspeta regras di sociedade. Un psicopata ten dificuldade na relaciona ku otu pessoas y é donu di un temperamentu altamenti violento, temperamental y impulsivo (Zé Katana por exemplo)
Un sociopata nau.
Un sociopata ê aparentimenti alguen sima nos tudu, + ou – rezervadu mas ku un comportamento normal na sociedade sima na cazu di Entany Silva ki tudu alguén ki konxel ta fla ma el era un joven tranquilo, nen impulsivo nen temperamental, aparentimenti sen cadastro criminal.
So ki sima tudo sociopatas algun cuza ou conjugason di txeu cuzas podi ter mudadu si personalidade ( suicidio di si pai si diante, auzencia di si mai ki ta vivi na Merka, kriadu pa padrasto, etc, etc).
Até ki un acontecimento aparentimenti banal ( perdi guerra ku un colega y trosa ki es fazi del) atê ki es acontecimento aparentimenti banal “xpludi ” dentu del tudu es sentimento di revolta ki lebal a mata 11 pessoas di un so bes. Ti es pontu tudu psicologos ta koncorda: Eutany Silva ê un sociopata.
So ki...
So ki di acordu ku noticias Eutany Silva “anuncia” es matansa ( dja ê flaba antis so ki ninguen ka lebal a serio). Ora, di acordu ku psicólogos criminalistas un sociopata ou mesmu un psicopata nunca ka ta anuncia crime abertamenti. Pelo kontrario, ê ta premedital “dentu del”, é ta pensal y ê ta repensal, ê ta preparal ku tudu cuidadu pa ê ka pegadu.
Y ora ki un sociopata sta kumeti un crime es crimee ê pa CASTIGA otu alguén. Al ves ê ta kumetel ku tudu krueldade, ê ta kre odja vitima ta sufri ku dor, ê ka ta izita na uza tortura ( Ka foi cazu di massacre na Monte Txota).
Un sociopata ê tambe un grandi mintirozu, un manipulador di primera classe ( Na cazu di Eutany foi el ki foi manipuladu, bu sta lembra di entrevista di taxista?).
Y finalmenti sima psicologos ta fla y tudu pesquizas ta komprova un sociopata ( ou un psicopata) nunca ka ta konfesa krimi. Y ora ki fica provadu ma el ê ki mata nunca ê ka ta mostra ninhun sinal arrependimento ou di di remorsu. El ê sempri inpiedozu.
Portantu di acrodo ku psicologia criminal kompotamentu di Entany Silva ka ta encaixa dentu di komportamentu di un sociopata. Nen di un psicopata. Algun kuza sta erradu ou enton Eutany ê mutu + spertu di ki cientistas ( Odja videos na kumentario sobri modi ki bu podi identifica un sociopata ou un psicopata) fonte:ok
COMMENTS