Sabi moda ki un chefe di kulinaria Tailandez rezidenti na Praia sta djuda mudjer di Cabo Verde sobrivivi

A-bo tambê bu podi djuda: Divulga es “negocio” y ka bu squeci di recomenda “Treats From Heaven”. Kualidade ê garantidu.

Sabi moda ki un chefe di kulinaria Tailandez rezidenti na Praia sta djuda mudjer di Cabo Verde sobrivivi
TREATS FROM HEAVEN ...
Ou “Prezenti di Ceu” si bu kré flal na kriolo.
“Treats From Heaven” ê un prujeto lansadu pa Phaisit Kimakom (centro na foto) un Tailandez originario di Bangkok ki sta na Praia desdi 2014 undi ê kumpanha si mudjer ki ê diplomata merkana.
Phaisit fla ma kuandu ê txiga Praia e odja txeu raparigas sen trabadju ( txeu é mai solteras ki ka tevi oportunidade di kontinua studu). Enton é pergunta si cabesa kuzê ki ê podia fazi pa djuda kombati es situason.

Phaisit ten kursu di chefe di cuzinha (chef de cuisine) ki ê tra nun prestigiadu scola di culinaria na França (Cordon Bleu). Foi enton ki surgil es ideia di reuni na Praia uns 12 kriolas di diferentes ilhas pa iniciaz na arte di alta culinária. Dipos di treinaz ( aulas ê 2 dia por semana na si rezidencia diplomatica y pratos konfecionadus “stagiarias” ta leba pa caza) dipos di treinaz y di fazez testes é kumesa ta djobi trabadju. Ka foi dificil .
Ku si “contactos” ê kumesa ta fornece serviços di kulinária pa embaixadas y instituisons. Meninas ta pagadu pa kada trabadju. Es ta fazi di tudu un pouco : desdi pratos refinadus ti suflé, pastel, bolos, etc. Pa enxina si “estagiarias” modi ki kumida KA ta fazedu ou modi KI clientes ka ta atendedu ê lebaz pa alguns restaurantes di nos Praia capital. Kriolas ta participa tambe ku ses propri receitas ki e ta djua aperfesoa.

NEGOCIO Ê PA KONTINUA...
Phaisit ta dexa Cabo Verde djuntu ku si mudjer na proximo mes di Junho mas prujeto “Treats From Heaven” ka ta morri : Ê ki pa alen di konfeciona pratos tambe ê preocupa ku enxina es cabo-verdianas modi ki es ta geri y expandi es negocio ku envolvimento di + mudjer ki sta na situason di dezemprego. Para ja ê prumeti dexa tudu material di culinaria pa si “stagiarias” y sigui es prujeto àdistancia.
A-bo tambê bu podi djuda: Divulga es “negocio” y ka bu squeci di recomenda “Treats From Heaven”. Kualidade ê garantidu. fonte:ok