Ê pa ka troca fla ku fazi. Txeu prublemas di Cabo Verde ê estrutural mas ten kuresons ki podi ser fetu logi a-partir di primero dia di tomada di posse.
Cabo Verde
VONTADI EXPRESU DI MUDANSA...
Un vontade ki fica klaramenti demostradu na eleison di es dia domingo. Di Santanton a Brava, passando pa Djarfogo ki ti onti era konsideradu maior bastion di PAICV, pa tudo Cabo Verde povu vota na mudansa . Na ilhas y na diaspora + di 120 mil cabo-verdianos depozita ses confiansa na Movimento pa Democracia ki foi di longi partido + votadu es dia domingo.
Rezultados (ti inda ê provizorios pamodi falta konta uns 5% di votos) rezultados ta da MPD un maioria konfortável na parlamento pa es poi na pratica ses prugrama. Un prugrama ki ta passa pa estimula economia di forma a kria + rikeza y + empregos, kombati kriminalidade y sobretudo restitui a cabo-verdianos ses confiansa na maquina di stado y na ses servisus ki debi ser orientadu pa sirbi cidadon ( Primeru tarefa di novo governo ê rezolvi prublema di TACV, un “batata kenti” ki pa rezolvi ta ezigi kapacidade, bon-senso y imaginason)
Ulisses Correia e Silva é homi ki cabo-verdianos pa prutagoniza es mudansa. Es gestor di 54 anos ki passa si ultimos 8 anos como prezidente di maior camara municipal di Cabo Verde na dia di vitoria anuncia kriason di un plano di emergencia pa salva economia nacional y medidas urgente pa recupera TACV. Ê prumeti dimiti atual Conselho di Admnistrason y kria un novo equipa pa resgata y recupera imagen di nos transportadora aerea.
TRABADJU, EFICIENCIA Y IMAGINASON...
Ê pa ka troca fla ku fazi. Txeu prublemas di Cabo Verde ê estrutural mas ten kuresons ki podi ser fetu logi a-partir di primero dia di tomada di posse. Sen “delirios” y sen afasta di rialidade. Tudu ku transparencia y responsabilidade. Y sentido di stadu.
JANIRA NA OPOZISON...
Dipos di 15 ano na poder PAICV ta ben exercita na opozison durante proximos 5 anos cuza ki certamenti ta ser “pedagógico” pa “tambarinas” ki dja staba “"dislumbradu” ku poder.
Pa alguns analistas “inexperiencia” di Janira y facto di ê ser mudjer peza na hora di dicizon. Podi ser, mas pa xplica es fracasu Janira ten djobi sobretudo pa es ultimos 5 anos di governason di PAICV . Pa alén di desgaste natural, governo di Jose Maria Neves paradoxalmente teima na ka kurrigi algun erros di governason ki pa tudu alguen era evidente. Jose Maria Neves ki ku es derrota di si partido ten ki re-equaciona si vontade, + ou – expresu, di candidata pa prezidencia di Cabo Verde.
( PS: Dja sta eleito 66 di kes 72 deputados di Nason. MPD dja elegi + di metade (37) enkuanto PAICV dja elegi 26. UCID ta leba 3 deputados pa proximo parlamento. Inda ka kontadu tudo votos na Africa, Diaspora y Americas mas previzon ta aponta pa vitoria di PAICV na tudo es 3 circulos fora di Cabo Verde) fonte:ok
VONTADI EXPRESU DI MUDANSA...
Un vontade ki fica klaramenti demostradu na eleison di es dia domingo. Di Santanton a Brava, passando pa Djarfogo ki ti onti era konsideradu maior bastion di PAICV, pa tudo Cabo Verde povu vota na mudansa . Na ilhas y na diaspora + di 120 mil cabo-verdianos depozita ses confiansa na Movimento pa Democracia ki foi di longi partido + votadu es dia domingo.
Rezultados (ti inda ê provizorios pamodi falta konta uns 5% di votos) rezultados ta da MPD un maioria konfortável na parlamento pa es poi na pratica ses prugrama. Un prugrama ki ta passa pa estimula economia di forma a kria + rikeza y + empregos, kombati kriminalidade y sobretudo restitui a cabo-verdianos ses confiansa na maquina di stado y na ses servisus ki debi ser orientadu pa sirbi cidadon ( Primeru tarefa di novo governo ê rezolvi prublema di TACV, un “batata kenti” ki pa rezolvi ta ezigi kapacidade, bon-senso y imaginason)
Ulisses Correia e Silva é homi ki cabo-verdianos pa prutagoniza es mudansa. Es gestor di 54 anos ki passa si ultimos 8 anos como prezidente di maior camara municipal di Cabo Verde na dia di vitoria anuncia kriason di un plano di emergencia pa salva economia nacional y medidas urgente pa recupera TACV. Ê prumeti dimiti atual Conselho di Admnistrason y kria un novo equipa pa resgata y recupera imagen di nos transportadora aerea.
TRABADJU, EFICIENCIA Y IMAGINASON...
Ê pa ka troca fla ku fazi. Txeu prublemas di Cabo Verde ê estrutural mas ten kuresons ki podi ser fetu logi a-partir di primero dia di tomada di posse. Sen “delirios” y sen afasta di rialidade. Tudu ku transparencia y responsabilidade. Y sentido di stadu.
JANIRA NA OPOZISON...
Dipos di 15 ano na poder PAICV ta ben exercita na opozison durante proximos 5 anos cuza ki certamenti ta ser “pedagógico” pa “tambarinas” ki dja staba “"dislumbradu” ku poder.
Pa alguns analistas “inexperiencia” di Janira y facto di ê ser mudjer peza na hora di dicizon. Podi ser, mas pa xplica es fracasu Janira ten djobi sobretudo pa es ultimos 5 anos di governason di PAICV . Pa alén di desgaste natural, governo di Jose Maria Neves paradoxalmente teima na ka kurrigi algun erros di governason ki pa tudu alguen era evidente. Jose Maria Neves ki ku es derrota di si partido ten ki re-equaciona si vontade, + ou – expresu, di candidata pa prezidencia di Cabo Verde.
( PS: Dja sta eleito 66 di kes 72 deputados di Nason. MPD dja elegi + di metade (37) enkuanto PAICV dja elegi 26. UCID ta leba 3 deputados pa proximo parlamento. Inda ka kontadu tudo votos na Africa, Diaspora y Americas mas previzon ta aponta pa vitoria di PAICV na tudo es 3 circulos fora di Cabo Verde) fonte:ok
COMMENTS