Kriansa di 4 ano morri kemadu nun incêndio na Praia

Dja sta na ora di tudu kriston ten un teto seguro, nen si for so di laje ku bloco. Y servisus “competentes” debi kumesa ta “kontrola” es moradias

Kriansa di 4 ano morri kemadu nun incêndio na Praia
MALDITA BARRAKA...
Foi na bairro di Jamaica, suburbio di Praia.
Un menininha di 4 anu morri kemadu na noite di es segunda-fera kuandu barraka undi ê sta durmiba djuntu ku si pai pega lumi.
Cauza di incendio foi provavelmenti un vela ki fica cendedu duranti noti y ki kai.
Kriansa ta moraba ku si mai ki trabadja na ilha di Boavista mas ê staba na Praia pa un fin-di-semana ku si pai . Pai ki sta internadu na hospital ku kemadura gravi enkuanto corpo di es kriansinha lebadu pa caza mortuária.

Ė ka primeru bes ki incendio sta enluta vida di familias ki ta vivi na Barrakas. Pa alén di espasu ser reduzidu barrakas ta aprezenta txeu risco di incendio pamodi material utilizadu (plástico, papelon, madera, etc) ta favoreci prupagason di lumi.
També como ka ten luz eletrico ê vela ki ta sirbi pa lumia di noti. Y dentu di barraka al-vez ta sta garrafa di gaz y otus material inflamavel.
Dipos maioria di barrakas sta situadu na zonas ki al-vez bomberos ka ta txiga faxi pamodi strada ka ta djuda. Ê vizinhos ki ku terra y ku agu ta djuda na fronta. També ka ten monitoramento, ka ten ninhun forma di privini incendios.

Dja sta na ora...
Dja sta na ora di tudu kriston ten un teto seguro, nen si for so di laje ku bloco. Y servisus “competentes” debi kumesa ta “kontrola” es moradias di risku pa ki tragedia sima kel ki mata es kriansinha nunca + ka ripiti. fonte:ok
RIP.