Elle Varner, Kriola-merkana ki ta faze sucesso na mundo de musica

voz di Elle Varner, ao mesmu tempu “profundo” y sedutor, ta komparadu ku voz di cantora ingleza Adele...

Elle Varner
PAMODI KI GOSTADU TANTU DI ES KRIOLA-MERKANA?
Por exemplo so es pequeno demostrason di voz ki ê poi segunda-fera na si facebook ganha na 2 dia + di un milhon di “like”. Motivos pa gosta di Elle Varner ê cuza ki ka ta falta: Primero ê pamodi Elle ê un menina kativanti, simples y simpatica ki tudu alguén ta gostaba di ten como amiga. Dipos es fidju-femia di cabo-verdiana Mikelyn Roderick ten muzica na sangui. Mikelyn ê un cantora ku un certu fama na Merka y pai di Elle (branco merkano Jimmy Varner) si pai tambe ê muzico, produtor y compuzitor, di forma ki Elle kria praticamenti dentu di un estudio di muzika ta odja si familia ta luta pa konquista un lugar na konkorrido industria muzical merkanu. Foi si ki ku 6 ano ê kumesa ta toca flauta, dipos piano, dipos viola ... Pa alen di cantora y multi-instrumentista, Elle Varner é també un excelente compozitora .

Elle ten di facto stilo y personalidade. Ê ten també un grandi voz. Alias voz di Elle Varner, ao mesmu tempu “profundo” y sedutor, ta komparadu ku voz di cantora ingleza Adele... ou di rainha di soul Ella Fitzgerald. Desdi ki na 2011 ê surgi ku “Only Wanna Give It to You" ( + di 6 milhon di vizualizason na YouTube) desdi ki e surgi na cena muzical Elle Varner nunka + ka pára. Ambiciosa mas sen ser obcecada ku suceso, es kriolinha-merkana ki dja foi 2 bes nomiadu pa Grammy ten fetu un trajetória kuazi perfeito ( “Perfectly Imperfect “ ê titulo di si segundo albun ki sai na 2012). fonte:ok

Elle Varner - Only Wanna Give It To You ft. J. Cole