Caboverdiano de 24 anu morre na Portugal, si Kumpanhera ki matal ku faca

Menina konta ma è bai panha faca na cozinha, è da Gilson ku faca, primeru panha na um mo. Rapaz reage e tenta dadji nel otru bes, menina fla ma è dal ku faca na petu.

04h00 de madrugada des quinta fera, vizinhos obi alguen ta grita. Era um menina gravida de 4 mes, ki ta moraba ku si kumpanheru ki txoma Gilson na 1º andar de rua Dr. António José de Almeida, ki ta fika na centro histórico de Lagos na Algarve. Menina grita pamodi kelora ki è mata si kumpanheru ku um facada na petu.

Segundo jornal Correio da Manha, policia informa ma crime kontise devido violência doméstica, es fla ma es jovem caboverdiano  ki morre, dja era konxedu na policia pamodi tráfico de droga.

De akordu ku kel ki mudjer konta na autoridades, de madrugada Gilson ki tinha mesmu idade ki si kumpanhera (24) e ki es ta vivia djuntu, entra na casa bebado, es komesa na discuti, mos tenta dadji na menina.

Menina konta ma è bai panha faca na cozinha, è da Gilson ku faca, primeru panha na um mo. Rapaz reage e tenta dadji nel otru bes, menina fla ma è dal ku faca na petu. Gilson kai na txon è ka risiste ferimento è morre. Mudjer ku medo, bira ta grita, vizinhos obi e txoma ambulancia. INEM parce na local, es tenta varios vez reanima rapaz, mas es ka konsigui.

Policia de Lagos txomadu es leba menina pa kadia. Na esquadra è  konta kusè ki kontisi. Segundo jornal Correio da Manha, menina ki sta gravida, dja tinha fladu antis na alguns pessoas ma si mos ta dadjiba nel. Mas menina ka larga rapaz, pamodi è staba gravida.


Corpo de vítima ki morre, lebadu pa Gabinete Médico-Legal de Portimão, undi ki è sta bai fazedu autopsia.

Kazu gosi sta na ser investigadu pa Polícia Judiciária, ki staba onti de parmanhan na recolhe provas na kasa undi ki kontisi crime. Menina apresentadu na tribunal e juiz mandal pa kasa em liberdade ku termo de identidade e residência. fonte:dypk