USA: Caboverdiano EFFI G fla - " Nkre trabadja so na aria de audio visual"

N tem nha studio na casa de musica quim Ta fazi dimeu e de alguns otus artistas e clip de musica. Futuramente horas Kim termina nkre trabadja so na aria de audio visual

"Nha nome artistico e EFFI G, Mas conhecido Pa Fabio Dos Reis, nanci na cidade de praia, cabo verde, na ano 1993. cria na cabo verde na zona de ponta d' agua, fazi nha escola primaria e nha liceu.

Des de pikinote n gostaba de ta cantaba pamodi nha mai ta tinha musicas na casa sempre... na 8° ano de liceu na miraflores n comesa ta interessa pa rap e n comesa ta escrebi nhas letras. De la n komesa ta grava na casa sempre nhas musicas mi ki ta gravaba.

N comesa ta canta miso, mas n tinha amigos de liceu ki nu ta estaba tudo djunto. Um certo dia es flam pmd ki nu ka ta kria um grupo. Dila nu surgi ku RB- School ki e nome de nha primero I unico grupo.. nu txiga canta na txeu actividades ki ta fazeda na zonas ate na nos liceu ki e miraflores nu txiga de kanta munti veses. Mas ku tempo n odja ma kuzas de grupo ka sta funciona pmd nen tudo elementos ka ta esforsaba... tudo trabadjo ta fikaba riba mi.. n decide pa kontinua ta fazi nha musica miso.

N txiga de grava 4 mixtape ku participacao de alguns rappers de zona. n bem caba pa viaja pa Putugal pam bai fazi nha universidade, mas infelismente n kaba pa para na nha primero ano I n bem pa merca... li na merca n bem comesa tudo de novo, ku mas condicoes n komesa ta kumpra nhas material de studio.. n tem nha propi produtora ki txoma Khaffy Studio, N ta pruduzi nhas propi musica e beats, I tambe n tem alguns cantores ki ta trabadja kumi...

Video AKredita na Mi

Li na merca n bem comesa universidade di novo. N ta finda nha licenciatura es ano li na aria de "filmmaking” ou seja alem de musica mi e tmb productor director de cinema audio visual. Tudo nhas trabadjo e feto pami. Nha ultimo mixtape foi lansado na 2011 n txiga de comesa ta gravas musicas pa um out novo, mas infelismente n tivi ki para pmd mudansa de pais afetam txeu, n tivi ki bem adapta a tudo de novo. Nes momento li sta trabadja na nha mixtape ki era suposto saiba ano passado pmd escola ka tivi tempo de findal.. e pa proximo ano n teni ideia na lansa nha primero cd."