Negra tem munti nomi, na kada nomi ten un afrika, na kada apilidu ta lembra un rasa dentu di rasa
Negra
Negra tem munti nomi
na kada nomi ten un afrika
na kada apilidu ta lembra un rasa dentu di rasa
pa un afrika ki ta stendi bariga
pa da mundu kumida pa ka pasa fomi
i negras ta abri perna
pa ten homis di plantason
i homis di rason moda
Djordan, zunbi, Cabral,
Savinbi, Ngola Kiluanji,
Rainha Ginga, Garvey, Asikiwe Nandi
Kwame N‘ Krumah, Jomo Kenyatta
Jean Price-Mars, Léopold Sedar Senghor
I otus fidjus ki afrika fasi
Na ventri di un preta
Ki konxeda na Guine pa preta badia
Na Merka pa sugar baby
Na Kabu Verdi pa pikena i panxola
Na angola pa dama nboa
Senegal sokhna ku guéle
Ai, Senegal terra de sokhna diabar
Pretas di nha kontinenti
Fonti undi homi parsi, braku negru
Di forsa brutu, ki fasedu skravu pa trôka
Ku dinheru, inkluibdu itinias di papel
Ki nes sinas di trabesa atilantiku
En triangulu
Di norti ku sul
munti di nos txomadu barigal tras
Preta di nha kontinenti
Mudjer ki da un kriansa
Branku mama pa ser
Si patron i si amanti di oras vaga
sen nunka mostral me mesmu leti
ki ta mamenta humanidadi
preta, ai preta,
preta, preta, tunturum
dispertadera de teson, mas inda di atenson
Há preta di nha terra
Bu valor sta na bu kor
Bu kor ka ta troka
Nen ku xikoti i nen ku makiagi
Sen tragi é tentason, na odju di homi
i di kel homi branku na tenpu sktavidon
Ki pou stika bariga na imensidon di
Kinhentus anus
Karega un gerson di pretu
Pa povua un gerason di mistisu
Ki tinda sta tenta sana bandera di liberdadi
Autor Mario Loff
Negra tem munti nomi
na kada nomi ten un afrika
na kada apilidu ta lembra un rasa dentu di rasa
pa un afrika ki ta stendi bariga
pa da mundu kumida pa ka pasa fomi
i negras ta abri perna
pa ten homis di plantason
i homis di rason moda
Djordan, zunbi, Cabral,
Savinbi, Ngola Kiluanji,
Rainha Ginga, Garvey, Asikiwe Nandi
Kwame N‘ Krumah, Jomo Kenyatta
Jean Price-Mars, Léopold Sedar Senghor
I otus fidjus ki afrika fasi
Na ventri di un preta
Ki konxeda na Guine pa preta badia
Na Merka pa sugar baby
Na Kabu Verdi pa pikena i panxola
Na angola pa dama nboa
Senegal sokhna ku guéle
Ai, Senegal terra de sokhna diabar
Pretas di nha kontinenti
Fonti undi homi parsi, braku negru
Di forsa brutu, ki fasedu skravu pa trôka
Ku dinheru, inkluibdu itinias di papel
Ki nes sinas di trabesa atilantiku
En triangulu
Di norti ku sul
munti di nos txomadu barigal tras
Preta di nha kontinenti
Mudjer ki da un kriansa
Branku mama pa ser
Si patron i si amanti di oras vaga
sen nunka mostral me mesmu leti
ki ta mamenta humanidadi
preta, ai preta,
preta, preta, tunturum
dispertadera de teson, mas inda di atenson
Há preta di nha terra
Bu valor sta na bu kor
Bu kor ka ta troka
Nen ku xikoti i nen ku makiagi
Sen tragi é tentason, na odju di homi
i di kel homi branku na tenpu sktavidon
Ki pou stika bariga na imensidon di
Kinhentus anus
Karega un gerson di pretu
Pa povua un gerason di mistisu
Ki tinda sta tenta sana bandera di liberdadi
Autor Mario Loff
COMMENTS