Praia: Família perdi tudu na incendio, kantu es staba ta fazeba kumida pa Cinza

Kasa ki pega lume è de um sinhora e um sinhor, es è konxedu pa nominho de “Moradinha” ku “Nocenti”. Gosi es familia dja fika sem nada

Renato Cardoso é homenageado na praia

Santo Antão: Situação muito preocupante em Ribeira Grande com todas as localidades isoladas - edil

Minininha di kuazi 4 ano sta mesti nos ajuda pa ganha si saude

Um família de nove alguen, ki ta mora na bairro de Txada Santo António na Praia, fika praticamente so ku ropa di korpu. Dipos ki es perdi tudu kusa na um incêndio ki komesa onti quarta fera, de tarde (dia 10),  kantu es staba ta fazeba almoço de Cinza.
Kasa ki pega lume è de um sinhora e  um sinhor, es è konxedu pa nominho de “Moradinha” ku “Nocenti”. Gosi es familia ki dja fika sem nada, sta pidi solidariedade de pessoas e entidades pa djudas, pamodi es perdi tudu mobilias ku eletrodomèsticos.

Es tragedia (odja video) kontisi, kantu um di familiares staba ta kucia na lenha, mas bentu staba forti, lumi pega na ropa e spadja pa tudu kasa.

De akordu ku testemunhas ki staba na local ta sisti akontecimento, si bomberus txigaba a tempu, inda es ta podia salvaba txeu kusa. Houve tambe desabamento de quartos ki ta fika na parte de trás, e tecto de kes quartos ki ta fika na parte de frente de kasa, fika ku ratxadura.

Familia ta kriaba pomba, infelizmente es ka konsigui salva dezenas de kes pombas ki es tinha na kriason. fonte:dypk, Nelly Martins